ଭଞ୍ଜନଗର/ଜଗନ୍ନାଥପ୍ରସାଦ (ସମୃଦ୍ଧ ଓଡିଶା) ଗଞ୍ଜାମ ଜିଲ୍ଲା ଜଗନ୍ନାଥପ୍ରସାଦ ବ୍ଳକ ପାଟରାପଲ୍ଲୀ ଗୋବିନ୍ଦ ଦାସ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ କ୍ଵାରେନଣ୍ଟାଇନ କେନ୍ଦ୍ରରେ ଏକ ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଅନ୍ତେବାସୀ ମାନେ ଏଭଳି ସମୟରେ କ୍ଵାରେନଣ୍ଟାଇନ କେନ୍ଦ୍ରରେ ରହୁଥିବା କାରଣରୁ ନିଜକୁ ନିସହାୟ ମନେ କରୁଥିବା ବେଳେ ସେମାନଙ୍କ ମନରେ ଆଧ୍ୟାତ୍ମିକ ବାର୍ତ୍ତାକୁ ପହଞ୍ଚାଇ ସେମାନଙ୍କ ମନବଳକୁ ବୃଦ୍ଧି କରାଇଥିଲେ । ଭଗବାନଙ୍କ କଥା ମାଧ୍ୟମରେ ସେମାନଙ୍କୁ ବିଭିନ୍ନ ସଚେତନତା ମଧ୍ୟ କରାଇଥିଲେ । ପ୍ରବଚକ ଭାବେ ଜ୍ୟୋତିର୍ବିଦ ପଣ୍ଡିତ ଅନ୍ନଦା ତ୍ରିପାଠୀ ରହିଥିବା ବେଳେ ସହଯୋଗରେ ଅଖିଳକୁମାର ପଣ୍ଡା, ରମାକାନ୍ତ ନାୟକ, ଶୁଭେନ୍ଦୁ ଗୌଡ଼ ରହିଥିଲେ । ଅନ୍ତେବାସୀ ଆନନ୍ଦରେ ସାମାଜିକ ଦୁରତ୍ୱ ଅବଲମ୍ବନ କରି ଏହାକୁ ଉପଭୋଗ କରୁଥିବା ସହ ହରିବୋଲ ଓ ମହିଳାଙ୍କ ହୁଳହୁଳିରେ ଚତୁର୍ଦିଗ କମ୍ପନ ହେଉଥିବା ଦେଖିବାକୁ ମିଳିଥିଲା ।
ରିପୋର୍ଟ : ନିଲୁ ବିଷୋୟୀ