ପାରଳାଖେମୁଣ୍ଡି (ସମୃଦ୍ଧ ଓଡ଼ିଶା) ଗଜପତି ଜିଲ୍ଲା ଗୋଶାଣୀ ବ୍ଲକ ସାତମାଇଲ ଛକ ନିକଟରେ ଥିବା ମା ମୁକିଡାମ୍ମା ମନ୍ଦିର ପ୍ରାଙ୍ଗଣରେ ଗଜପତି ଜିଲ୍ଲା ଏବଂ ଗଞ୍ଜାମ ଜିଲ୍ଲା ଜଙ୍ଗମ ସମାଜ ପରିବାର ମିଳିତ ଆନୁକୂଲ୍ୟରେ ଏକ ସମ୍ମିଳନ ଅନୁଷ୍ଠିତ ହୋଇଯାଇଛି । ଗଜପତି ଜିଲ୍ଲା ଜଙ୍ଗମ କୂଳ ସଭାପତି ଏମ.ବିଜୟ କୁମାର, ଇ.ରାଜେଶ୍ୱର ରାଓ ସମ୍ପାଦକ, ଆର ଗିରି ଶଙ୍କର ଗଣେଶ, ରବି, ପାରଳାଖେମୁଣ୍ଡି ଲେବର ଇନିସ୍ପେକ୍ଟର କେତକ ଡ଼ାକ୍ତରଙ୍କ ସହ ଶତାଧିକ ଜିଲ୍ଲା ଓ ଜିଲ୍ଲା ବାହାର ଜଙ୍ଗମ କୂଳ ଲୋକେ ଉପସ୍ଥିତ ଥିଲେ । ସମ୍ମିଳନୀର ମୁଖ୍ୟ ଉଦେଶ୍ୟ ଥିଲା ଜଙ୍ଗମ କୂଳର ସଂରକ୍ଷଣ । ଆଜିକୁ ପ୍ରାୟ ୧୦୦ବର୍ଷ ହେଲା ଜଙ୍ଗମ ମାନେ କେଉଁ ଜାତି ତାହାର ପ୍ରମାଣ ନାହିଁ । ପୋଡେଶୀ ଆନ୍ଧ୍ର ପ୍ରଦେଶରେ ବିସିଏରେ ଜାତି ପ୍ରମାଣ ପତ୍ର ପାଇ ଚାକିରି ପାଉଛନ୍ତି କିନ୍ତୁ ଓଡିଶାରେ ଜଙ୍ଗମ ମାନେ ମନ୍ଦିର ପୂଜାକରି ପରିବାର ପୋଷଣ କରୁଛନ୍ତି । ବିଭିନ୍ନ ସୁଭ କାମରେ ଶଙ୍ଖ ଓ ମଲା କାର୍ଯ୍ୟରେ ଘଣ୍ଟ ବଜାଇ କାର୍ଯ୍ୟ ତୁଲାଉଛନ୍ତି । ପିଲାମାନଙ୍କ ଭବିଷ୍ୟତ ବୋଲି କିଛି ନାହିଁ, ଏହି ଜାତିର ଶତକଡା ୯୦ଭାଗ ଲୋକ ଗରିବ ଶ୍ରେଣୀର । ସରକାରଙ୍କୁ ଅନୁରୋଧ କରାଯାଉଛି କି ଆମକୁ ଜାତିଗତ ପ୍ରମାଣ ପତ୍ର ପ୍ରଦାନ କରନ୍ତୁ । ଆମକୁ ଉଚିତ ନ୍ୟାୟ ନ ଦେଲେ ଆମେ ଆଗାମୀ ଦିନରେ ଆନ୍ଦୋଳନ ପନ୍ଥା ଗ୍ରହଣ କରିବୁ ବୋଲି ଦୃଡ଼କ୍ତି ପ୍ରକାଶ କରିଛନ୍ତି ।
ରିପୋର୍ଟ : କୃଷ୍ଣ କୁମାର ବେହେରା