ବ୍ରହ୍ମପୁର (ସମୃଦ୍ଧ ଓଡିଶା) ଗଞ୍ଜାମ ଜିଲ୍ଲା ଭାରତ ସ୍କାଉଟସ ଓ ଗାଇଡ଼ସ ରାଜ୍ୟ ୧୭ତମ ଜାମ୍ବୋରୀରେ ଯୋଗଦେବା ପାଇଁ ଆଜି ବରୁଣେଇ ଯାତ୍ରା କରିଛନ୍ତି । ଜିଲ୍ଲା ଶିକ୍ଷାଧିକାରୀ ଡ଼ଃ. ସନାତନ ପଣ୍ଡାଙ୍କ ପରାମର୍ଶ କ୍ରମେ ଜିଲ୍ଲାରୁ ୮୦ଜଣ ସ୍କାଉଟସ, ୫୦ ଜଣ ଗାଇଡ଼ସ ୧୨ ଜଣ ସ୍କାଉଟ ମାଷ୍ଟର, ୬ଜଣ ଗାଇଡ଼ କ୍ୟାପଟେନ ଗୋଟ ୧୪୮ ଜଣ ଯାତ୍ରା କରିଛନ୍ତି । ଜାମ୍ବୋରୀ ୨୬ ତାରିଖରୁ ୩୧ ତାରିଖ ପର୍ଯ୍ୟନ୍ତ ହେବ । ଜିଲ୍ଲା ସମ୍ପାଦକ ଭାଗିରଥି ସ୍ୱାଇଁଙ୍କ ତତ୍ତ୍ୱାବଧାନରେ ଜିଲ୍ଲାର ବିଭିନ୍ନ ବିଦ୍ୟାଳୟରୁ ଆଜି ଟ୍ରେନ୍ ରେ ଯାତ୍ରା କରିଛନ୍ତି । କଣ୍ଟିଜେଣ୍ଟ ଲିଡର ରାମହରି ସାହୁଙ୍କ ନେତୃତ୍ୱରେ ଯାତ୍ରା କରିଥିବା ସ୍କାଉଟ ଗାଇଡ଼ମାନେ ସେଠାରେ ବିଭିନ୍ନ ପ୍ରତିଯୋଗିତାରେ ଭାଗନେବେ ଜିଲ୍ଲା କମିଶନର ରାମଚନ୍ଦ୍ର ବିଷୋୟୀ, ଜିଲ୍ଲା ସ୍କାଉଟ ମାଷ୍ଟର ଲକ୍ଷ୍ମୀନାରାୟଣ ପଣ୍ଡା, ବିରୁପାକ୍ଷ ପରିଡା, ଭାରତ ବିଷୋୟୀ, ବୁଡୁ ସେଠି, ବ୍ରଜକିଶୋର ଦାସ, ଶ୍ରୀନୁ ପାତ୍ର, ପୂର୍ଣ୍ଣିମା ଆଚାରି, ଅନିତା ପାଢ଼ୀ, ନିନି ସାହୁ ପ୍ରମୁଖ ଯାତ୍ରା କରିଛନ୍ତି ।
ରିପୋର୍ଟ : ଜିଲ୍ଲା ସତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା