ଗୋପାଳପୁର (ସମୃଦ୍ଧ ଓଡିଶା) ଗୋପାଳପୁର ନିର୍ବାଚନ ମଣ୍ଡଳୀ କଂଗ୍ରେସ ପକ୍ଷରୁ ଏକ ବାଇକ ରାଲି ଅନୁଷ୍ଠିତ ହୋଇଯାଇଛି । କଂଗ୍ରେସ ପ୍ରାର୍ଥୀ ଏସ. ଧର୍ମରାଜ ରେଡିଙ୍କ ନେତୃତ୍ୱରେ ହଳଦିଆପଦର ଚନ୍ଦ୍ରକଳ୍ପେଶ୍ୱର ମନ୍ଦିରରୁ ଏକ ବିରାଟ ଶୋଭାଯାତ୍ରାରେ ବାହାରି ୫୩ ଓ ୫୪ ନଂ ଜୋନ ପରିକ୍ରମା ସହ ୧୬ଟି ପଂଚାୟତରେ ପ୍ରଚାର କରି କରିଛନ୍ତି ।ଗରିବଙ୍କୁ ଘର, କୃଷି ଋଣ ଛାଡ, ବେକାରୀଙ୍କୁ ନିଯୁକ୍ତି ଦେବା ସହ ଶ୍ରମିକଙ୍କ ଉତ୍ତରୋତ୍ତର ଉନ୍ନତି, ଅପରାଧ ମୁକ୍ତ କରିବା ପାଇଁ ଗୋପାଳପୁର ନିର୍ବାଚନମଣ୍ଡଳୀର କଂଗ୍ରେସ ପ୍ରାର୍ଥୀ ଧର୍ମାଙ୍କୁ ଭୋଟ ଦେବା ପାଇଁ ଅନୁରୋଧ କରିଥିଲେ । ୫୩ ନଂ ଜୋନର ହଳଦିଆପଦର, କନିସି, ରଣ୍ଢା, ଗୋଳନ୍ଥରା, କୋଠାରସିଂ, ମନ୍ତ୍ରୀଡି, ବିଶ୍ୱନାଥପୁର, ଶାସନ ପଦର ଏବଂ ୫୪ ନଂ ଜୋନର ଚିକରଡା, ଇନ୍ଦ୍ରାକ୍ଷୀ, ମାର୍କଣ୍ଡି, ତୁଳୁ, ପଦ୍ମପୁର, କୋଳଥିଗାଁ ଆଦି ପରିକ୍ରମା କରିଥିଲେ । ଏହି ଶୋଭାଯାତ୍ରାରେ ବରିଷ୍ଟ କଂଗ୍ରେସ ନେତା ଗୋକୁଳ କର, ଧୀର ପାତ୍ର, ଉମାକାନ୍ତ ସାସାମଲ, ମୋହନ ରେଡ୍ଡୀ, ଡ଼ମ୍ବୁରୁ ରଣା, ହରିହର ପାତ୍ର, କେଦାର କର, ଗଣେଶ ସାହୁ, ସୁନୀଲ ସାହୁଙ୍କ ସମେତ ଶତାଧିକ କର୍ମକର୍ତ୍ତା ଅଂଶ ଗ୍ରହଣ କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା