ଛତ୍ରପୁର(ନିମାଇଁ ଚରଣ ପଣ୍ଡା ) ଛତ୍ରପୁର ଥାନା ଅନ୍ତର୍ଗତ ଗୋଲାପଲି ନିକଟରେ ଆଜି ସନ୍ଧ୍ୟାରେ ଏକ ମର୍ମନ୍ତୁତ ସଡକ ଦୁର୍ଘଟଣାରେ ଜଣେ ମୃତ୍ୟୁ ବରଣ କରିଥିବା ବେଳେ ଅନ୍ୟଜଣେ ଗୁରୁତର ଆହତ ହୋଇ ଛତ୍ରପୁର ମେଡିକାଲରେ ଚିକିତ୍ସିତ ହେଉଥିବା ଜଣାପଡ଼ିଛି । ଘଟଣାରୁ ପ୍ରକାଶ ଯେ ଆଜି ସନ୍ଧ୍ୟା ୭.୩୦ ସମୟରେ ଏକ ହୋଣ୍ଡା ସିନି ଗାଡିକୁ ଅନ୍ୟପଟୁ ଆସୁଥିବା ଏକ ହିରୋହୁଣ୍ଡା ମୋଟର ସାଇକେଲ ସହ ମୁହାଁମୁହିଁ ଧକ୍କା ହେବା ଫଳରେ ଜଗନ୍ନାଥ ଦାସ ନାମକ ଜଣେ ବ୍ୟକ୍ତି ଗୁରୁତର ଆହତ ହୋଇ ମୃତ୍ୟୁବରଣ କରିଛି । ଅନ୍ୟଜଣେ ଟିକିନା ସିଂଙ୍ଗି ଚିକିତ୍ସିତ ହେଉଛି । ପୋଲିସ ପେଟ୍ରୋଲିଙ୍ଗ କରୁଥିବା ବେଳେ ଛତ୍ରପୁର ଥାନା ଏଏସଆଇ ଶିବ ନାରାୟଣ ପଟ୍ଟନାୟକ ଓ ଡ୍ରାଇଭର ସଞ୍ଜୟ ବେହେରା ଖବର ପାଇ ଦୁଃର୍ଘଟଣା ସ୍ଥଳକୁ ଯାଇଥିଲେ । ମୁର୍ମୁସ ଅବସ୍ଥାରେ ପଡିଥିବା ଉଭୟଙ୍କୁ ଛତ୍ରପୁର ମେଡିକଲକୁ ଆଣିଥିଲେ । ସେଠାରେ ଡାକ୍ତର ଜଣକୁ ମୃତୁ ଘୋଷଣା କରିଥିବା ବେଳେ ଅନ୍ୟଜଣେ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି ।
