ଭୁବନେଶ୍ୱର (ସମୃଦ୍ଧ ଓଡିଶା) ବହୁ ଆବେଦନ ନିବେଦନ ସତ୍ତ୍ୱେ ସରକାରଙ୍କ ଚୁକ୍ତିଭିତ୍ତିକ ଶିକ୍ଷକ ମାନଙ୍କ ପ୍ରତି ଉଦାସୀନତା ପ୍ରତିବାଦରେ ଗତକାଲି ଓଡିଶା କର୍ମଚାରୀ ମହାମଞ୍ଚ ଭବନରେ ରାଜ୍ୟ କାର୍ଯ୍ୟକାରିଣୀ ବୈଠକ ସଂଘର ସଭାପତି ଶୁଭ୍ରବିତ ପ୍ରତିହାରୀଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ସଂଘର ମୁଖ୍ୟ ଉପଦେଷ୍ଟା ପ୍ରଭାତ ମହାନ୍ତି ଯୋଗ ଦେଇଥିଲେ । ଏଥିରେ ନିମ୍ନଲିଖିତ ପ୍ରସ୍ତାବ ମାନ ଗୃହୀତ କରାଯାଇଥିଲା । ପ୍ରସ୍ତାବ ଗୁଡିକ ହେଲା –
୧) ୨୦୧୨ ମସିହାରେ ନିଯୁକ୍ତି ପାଇଥିବା ଶିକ୍ଷକ ଓ ଶିକ୍ଷୟତ୍ରୀ ମାନଙ୍କୁ ଯଥାଶୀଘ୍ର ସ୍ଥାୟୀ ନିଯୁକ୍ତି ପତ୍ର ପ୍ରଦାନ କରିବା । ୨) ୩୨୦୧୦/୧୧୪୭ ଚିଠିଟିକୁ ଚୁକ୍ତିଭିତ୍ତିକ ଶିକ୍ଷକମାନଙ୍କ ପାଇଁ ଲାଗୁ କରିବା ।
୩) ୨୦୧୬ ମସିହାରେ ନିଯୁକ୍ତି ପାଇଥିବା ଶିକ୍ଷକ ଶିକ୍ଷୟତ୍ରୀ ମାନଙ୍କ ପାଇଁ ଆବଶ୍ୟକ ଥିବା OSSTET କୁ ଉଚ୍ଛେଦ କରିବା ।
୪) ହିନ୍ଦୀ ସଂସ୍କୃତ ଓ କ୍ରୀଡା ଶିକ୍ଷକମାନଙ୍କୁ ରାଜ୍ୟ କ୍ୟାଡର ଭୁକ୍ତ କରିବା ।
୫) ବର୍ଷକୁ ୨ଥର ନିୟମିତ ପ୍ରକ୍ରିୟା ପାଇଁ ପଦକ୍ଷେପ ଗ୍ରହଣ କରିବା ।
୬) ୬ ବର୍ଷ ଚୁକ୍ତିଭିତ୍ତିକ ଅବଧିକୁ ମୂଳ ଚାକିରୀରେ ସଂଯୁକ୍ତ କରିବା ।
ଉପରୋକ୍ତ ଏହି ଦାବି ଗୁଡିକୁ ସରକାର ଯଦି ସହୃଦୟତାର ସହିତ ବିଚାର କରି ନ୍ୟାୟ ପ୍ରଦାନ ନ କରନ୍ତି ତେବେ ଆସନ୍ତା ତା ୨୭/୯/୨୦୧୯ ରିଖରେ ଓଡ଼ିଶାର ସମସ୍ତ ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟକୁ ଘେରାଉ କରାଯାଇ ଦାବୀ ପତ୍ର ପ୍ରଦାନ କରାଯିବ ଏବେ ତା. ୨୧/୧୦/୨୦୧୯ ରିଖ ଠାରୁ ରାଜ ରାସ୍ତାକୁ ଓଲ୍ଲାଇବ ସମଗ୍ର ଚୁକ୍ତିଭିତ୍ତିକ ଶିକ୍ଷକ ସମାଜ ବୋଲି ଚେତାବନୀ ଦେଇଛନ୍ତି । ଏହି ବୈଠକରେ ସଂଘର ସାଧାରଣ ସମ୍ପାଦକ ବିପିନ ବିହାରୀ ସାହୁ, କୋଷାଧ୍ୟକ୍ଷ ନବଜ୍ୟୋତି ମହାପାତ୍ର, କର୍ମଚାରୀ ସଭାପତି କୃଷ୍ଣ ଚନ୍ଦ୍ର ଜେନାଙ୍କ ସମେତ ବହୁ କର୍ମୀ ଅଂଶ ଗ୍ରହଣ କରିଥିଲେ ।
ରିପୋର୍ଟ : ବିଜୟ ମଲ୍ଲ