ଛତ୍ରପୁର (ସମୃଦ୍ଧ ଓଡିଶା) ଛତ୍ରପୁର ଥାନା ଅନ୍ତର୍ଗତ ରାମନଗର ୫ମ ଲାଇନରେ ଜଣେ ରୂପା ବ୍ୟବସାୟୀଙ୍କ ୪ କିଲୋ ରୂପା ଚୋରି ହୋଇଯାଇଛି । ଗଞ୍ଜାମ ଥାନା ଅନ୍ତର୍ଗତ ଦାମଦୋରପୁର ଗ୍ରାମର ରୂପା ବ୍ୟବସାୟୀ କଣ୍ଡରୁ ନାୟକ ଛତ୍ରପୁର ସ୍ଥିତ ରାମନଗର ୫ମ ଲାଇନରେ ଜଣେ ଗ୍ରାହକଙ୍କ ସହ କଥା ହେଉଥିଲେ । ସେହି ସମୟରେ ବ୍ୟବସାୟୀ ଜଣକ ତାଙ୍କରି ଲୁନା ଗାଡିକୁ କିଛି ଦୂରରେ ରଖିଥିଲେ । ସେଥିରେ ପ୍ରାୟ ୪ କି.ଗ୍ରା,ର ବିଭିନ୍ନ ରୂପା ସାମଗ୍ରୀ ଏକ ପେଟି ଝୁଲାଇଥିଲେ । ଏହି ସମୟରେ ବ୍ୟବସାୟୀଙ୍କ ପିଛା କରୁଥିବା ଦୁଇଜଣ ଦୁର୍ବୃତତ୍ତ ଲୁନା ଗାଡିରୁ ରୂପା ପେଟିକୁ ଧରି ଚମ୍ପଟ ମାରିଥିଲେ । ବ୍ୟବସାୟୀ କୁଣ୍ଡରୁ ଚିତ୍କାରକରିଥିଲେ କିନ୍ତୁ କିଛି ସୁଫଳ ମିଳିନଥିଲା । ଶେଷରେ ଛତ୍ରପୁର ଥାନାରେ ଏକ ଅଭିଯୋଗ କରିଥିଲେ । ଘଟଣା ସ୍ଥଳେ ଥାନା ସେକେଣ୍ଡ ଅଫିସର ଭାଗ୍ୟଶ୍ରୀ ସ୍ୱାଇଁ ପହଞ୍ଚି ତନାଘନା କରିଥିଲେ ମଧ୍ୟ ଦୁର୍ବୃତଙ୍କ କୌଣସି ଖୋଜଖବର ମିଳିନଥିଲା । ଛତ୍ରପୁର ଥାନା ପକ୍ଷରୁ ୪୦/୨୦୧୯ ଏକ ଲୁଟ୍ ମାମଲା ରୁଜୁ କରି ତଦନ୍ତ ଚାଲିଛି ବୋଲି ସେକେଣ୍ଡ ଅଫିସର ସୂଚନା ଦେଇଛନ୍ତି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା