ଛତ୍ରପୁର (ସମୃଦ୍ଧ ଓଡିଶା) ଛତ୍ରପୁର ବିଧାନସଭା ବିଜେପି ପ୍ରାର୍ଥୀ ପ୍ରଶାନ୍ତ କୁମାର କରଙ୍କ ନିର୍ଵାଚନୀ ପ୍ରଚାର ଜୋରଜାର ଚାଲିଛି । ଏହି ପ୍ରଚାର ମଙ୍ଗ ଧରିଛନ୍ତି ଗଞ୍ଜାମ ବ୍ଲକ ଅଧ୍ୟକ୍ଷ ପ୍ରଶାନ୍ତ କୁମାର ନାୟକ । ପ୍ରଥମେ ଦାମୋଦର ପୁର ଗ୍ରାମ ସ୍ଥିତ ବାବା ଆଖଣ୍ଡଳମଣି ଶୈବପୀଠ ନିକଟରୁ ଏହି ନିର୍ବାଚନୀ ପ୍ରଚାର ଆରମ୍ଭ ହେବା ସହ ଗଞ୍ଜାମ ସହରାଞ୍ଚଳର ସମସ୍ତ ୱାର୍ଡ ପରିକ୍ରମା କରି ବିଧାୟକ ପ୍ରାର୍ଥୀ ପ୍ରଶାନ୍ତ କୁମାର କର ଓ ବ୍ରହ୍ମପୁର ସାଂସଦ ପ୍ରାର୍ଥୀ ଭୃଗୁ ବକ୍ସି ପାତ୍ର ନିମନ୍ତେ ଭୋଟ ଭିକ୍ଷା ମାଗିଥିଲେ । ନିର୍ବାଚନୀ ପ୍ରଚାର ସମୟରେ ନଗର ସଭାପତି କାନ୍ତାରୀ ଦଳାଇ, ପୂର୍ବତନ କାଉନସିଲର ଧନୁର୍ଦ୍ଧର ବେହେରା, ରଞ୍ଜନ ବେହେରା, ଶରତ ଚନ୍ଦ୍ର ବେହେରା, ସୁଦାମ ପଲାଇ ପ୍ରମୁଖଙ୍କ ସମେତ ଭାରତୀୟ ଜନତା ପାର୍ଟିର ବହୁ ନେତା ଓ କର୍ମୀ ଅଂଶ ଗ୍ରହଣ କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା