ଛତ୍ରପୁର(ସମୃଦ୍ଧ ଓଡିଶା)ଛତ୍ରପୁରସ୍ଥିତ ରାଜାଘର ଶ୍ରୀଶ୍ରୀ ଜଗନ୍ନାଥ ମନ୍ଦିର ତରଫରୁ ପ୍ରକାଶିତ ଆଧ୍ୟାତ୍ମିକ ସାହିତ୍ୟ ପତ୍ରିକା “ପତିତପାବନ” ର ଦ୍ଵାଦଶତମ ସଂକଳନ ଆନୁଷ୍ଠାନିକ ଭାବେ ମନ୍ଦିରବେଢ଼ା ନାଟ୍ୟମଣ୍ଡପରେ ଉନ୍ମୋଚିତ ହୋଇଛି । ପବିତ୍ର ରଥଯାତ୍ରା ଅବସରରେ ପ୍ରକାଶିତ ଏହି ସଂଖ୍ୟା ଉନ୍ମୋଚନ ଅବସରରେ ସର୍ଵଶ୍ରୀ ଆଦିକନ୍ଦ ପାଣିଗ୍ରାହୀ, ପୂର୍ଣ୍ଣଚନ୍ଦ୍ର ଚୌଧୁରୀ, ବଟକୃଷ୍ଣ ତ୍ରିପାଠୀ, ସୁଧୀର କାନ୍ତ ରଥ,ଅସିତ କୁମାର ପଟ୍ଟନାୟକ ପ୍ରମୁଖ ସମ୍ପାଦନାମଣ୍ଡଳୀରେ ଅଛନ୍ତି । ମୁଖ୍ୟସମ୍ପାଦକ ସାହିତ୍ୟିକ ନିରଞ୍ଜନ ତ୍ରିପାଠୀ,ଉପଦେଷ୍ଟା ରାମଚନ୍ଦ୍ର ପଟ୍ଟନାୟକ, ବରେଣ୍ୟ କବି ପ୍ରଶାନ୍ତ ଶତପଥୀ ପ୍ରମୁଖ ଏହି ଉନ୍ମୋଚନ ସାମାରୋହରେ ଉପସ୍ଥିତ ଥିଲେ ।
