ଛତ୍ରପୁର (ସମୃଦ୍ଧ ଓଡିଶା) ଛତ୍ରପୁରର ରିକାପଲ୍ଲୀ ଛକସ୍ଥିତ ଜୟ ମା’ ଦୁର୍ଗା ଅଟୋ ଚାଳକ ସଂଘର ଏକ ବୈଠକ ପୋଡାପଦର ନିକଟର କନ୍ଧୁଣୀ ମା’ ମନ୍ଦିରରେ ଅନୁଷ୍ଠିତ କରାଯାଇ ସଂଘର ନୂତନ କର୍ମକର୍ତ୍ତା ଚୟନ କରାଯାଇଛି । ଏଥିରେ ସଂସାରର ପ୍ରତିଷ୍ଠାତା ସମ୍ପାଦକ ରମେଶ ଚନ୍ଦ୍ର ସାହୁ ଓ ଆଇନ ଉପଦେଷ୍ଟା ଲିଙ୍ଗରାଜ ପଟ୍ଟନାୟକ ଯୋଗଦେଇ ସଂଘର ଗୁରୁତ୍ୱ ଓ ସଦସ୍ୟମାନଙ୍କ ଦାୟିତ୍ୱ ସମ୍ପର୍କରେ କହିଥିଲେ । ଏହାପରେ ନୂତନ କର୍ମକର୍ତ୍ତା ନିର୍ବାଚନ କରାଯାଇଥିଲା । ଏଥିରେ ସଭାପତି ଲକ୍ଷ୍ମୀନାରାୟଣ ପଣ୍ଡା, ଉପସଭାପତି ଲିଙ୍ଗରାଜ ନାୟକ, ସମ୍ପାଦକ ଆର ଶ୍ରୀନିବାସ ନାୟକ, ସହସମ୍ପାଦକ ଲକ୍ଷ୍ମୀନାରାୟଣ ରାଉଳ, ଗୋବିନ୍ଦ ଗୌଡ଼ ଓ ଅଜିତ ରାଉଳ କୋଷାଧ୍ୟକ୍ଷ ଭାବେ ମନୋନୀତ ହୋଇଛନ୍ତି । ଏହାସହ ଅନ୍ୟମାନଙ୍କ ମଧ୍ୟରେ ଏ ଦୁର୍ଗା, ଜି. ଶ୍ରୀନିବାସ, ଏ ନିରଞ୍ଜନ ପାତ୍ର, ଅନିଲ କୁମାର ସାହୁ, କେ. ଚିଟିବାବୁ ରାଓ, ଶବର ପଲେଇ, ଏସ.ନାଗେଶ୍ୱର ରାଓ, ଡାକ ଗୌଡ଼, ପ୍ରକାଶ ଗୌଡ଼, ବି ଲିଙ୍ଗରାଜ ପାତ୍ର, ସମୀର ନାୟକ, ନାରାୟଣ ଗୌଡ଼, ବି.ନାରାୟଣ ପାତ୍ର, ନିରାକାର ପଣ୍ଡା, ନକୁଳ ବେହେରା ପ୍ରମୁଖ ଅଂଶ ଗ୍ରହଣ କରିଥିଲେ । ଶେଷରେ କାଳୁ ଚରଣ ନାୟକ ଧନ୍ୟବାଦ ଅର୍ପଣ କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା