ଢେଙ୍କାନାଳ (ସମୃଦ୍ଧ ଓଡିଶା) ଜଗତଗୁରୁ ଠାକୁର ଶ୍ରୀ ଶ୍ରୀ ଅଭିରାମ ପରମହଂସ ଦେବଙ୍କ ପଞ୍ଚଦଶ ତମ ବାର୍ଷିକ ଉତ୍ସବ ଓ ସନାତନ ଧର୍ମ ସମ୍ମିଳନୀ ଅନୁଷ୍ଠିତ ହେଉଅଛି । ଏହି ଉପଲକ୍ଷେ ଆୟୋଜିତ ହୋଇଥିବା ନଗର ପରିକ୍ରମା ଅବସରରେ ୧୦ ଦଳ ସଂକୀର୍ତ୍ତନ ମଣ୍ଡଳୀ ଭାଗ ନେଇଥିଲେ । ଏତଦବ୍ୟତୀତ ଲଉଡ଼ିବାଡ଼ି ଦଳମାନେ ମଧ୍ୟ ଅଂଶ ଗ୍ରହଣ କରିଥିଲେ । ଉକ୍ତ ସନାତନ ଧର୍ମ ସମ୍ମିଳନୀ ଢେଙ୍କାନାଳସ୍ଥ ପୌରପାଳିକା କଲ୍ୟାଣ ମଣ୍ଡପ ପରିସରରେ ନଭେମ୍ବର ୨୭ରୁ ୨୮ ପର୍ଯ୍ୟନ୍ତ ପାଳିତ ହେଉଅଛି । ଉକ୍ତ ସନାତନ ଧର୍ମ ସମ୍ମିଳନୀ କରମଳା ଶାନ୍ତି ଆନନ୍ଦାଶ୍ରମର ବରିଷ୍ଠ ସନ୍ୟାସୀ ବାବାଜୀ ଶ୍ୟମନନ୍ଦ ଦାଶ ମହାରାଜଙ୍କ ପୌରାହିତ୍ୟରେ ପରିଚାଳିତ ହେଉଅଛି ଯେଉଁଥିରେ କି ଭକ୍ତ ଶାନ୍ତି ଧର୍ମର ଅନେକ ଅଦ୍ୟାବଧି ବରିଷ୍ଠ ସାଧୁ ସନ୍ଥମାନେ ମଧ୍ୟ ଯୋଗ ଦେଇଛନ୍ତି । ଅବିଭକ୍ତ ଢେଙ୍କାନାଳ ଜିଲ୍ଲା ତଥା ଓଡିଶା ଅନ୍ୟାନ୍ୟ ଅଞ୍ଚଳର ଶତାଧିକ ଶ୍ରୀ ଠାକୁରଙ୍କ ଆଶ୍ରିତ ଭାଇ ଭଉଣୀମାନେ ଯୋଗ ଦେଇଥିଲେ । ଏହି ସନାତନ ଧର୍ମ ସମ୍ମିଳନୀଟି ଦୀର୍ଘ ୧୨ ବର୍ଷ ଧରି ଢେଙ୍କାନାଳ ଜିଲ୍ଲା ସ୍ତରୀୟ ଭକ୍ତ ଗୋଷ୍ଠୀ ଦ୍ୱାରା ମହା ଆଡମ୍ବରରେ ପାଳିତ ହୋଇ ଆସୁଅଛି ।
ରିପୋର୍ଟ : ଶୁଭମ କୁମାର ପାଣି
