ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ଥାନାରେ ନୂତନ ଭାବେ ଆଇଆଇସି ଧନେଶ୍ୱର ସାହୁ ଆଜି ଦାହିତ୍ୱ ଗ୍ରହଣ କରିଛନ୍ତି । ସେ ବିଦାୟୀ ଆଇଆଇସି ପ୍ରଦୀପ କୁମାର ମାଝୀଙ୍କ ଠାରୁ ଦାୟିତ୍ୱ ଗ୍ରହଣ କରିବା ପରେ ଏସଡ଼ିପିଓ ଅଂକିତା କୁମ୍ଭାରଙ୍କୁ ସୌଜନ୍ୟମୂଳକ ଭାବେ ସାକ୍ଷାତ କରିଥିଲେ । ୧୯୯୮ ମସିହାରେ ପୋଲିସ୍ ଚାକିରୀରେ ଯୋଗଦାନ କରି ସେ ଠାକୁରମୁଣ୍ଡା, ତିରିଂ, ଶିଳ୍ପାଞ୍ଚଳ ଥାନା, ବିଶୋଇ, ସହଦେବଖୁଣ୍ଟା, ଜଳେଶ୍ୱର, ଲକ୍ଷ୍ମଣପୁର, କୋଲାବିରା, ବ୍ରଜରାଜନଗର ଓ ବସ୍ତା ଥାନାରେ କାର୍ଯ୍ୟକରି ବେଶ୍ ଲୋକପ୍ରିୟ ହୋଇପାରିଥିଲେ । ୨୦୧୦ରୁ୨୦୧୨ ପର୍ଯ୍ୟନ୍ତ ଜଳେଶ୍ୱର ଥାନାରେ ଆଇଆଇସି ଭାବେ କାର୍ଯ୍ୟ କରି ବେଶ୍ ପ୍ରଶଂସିତ ହୋଇଥିଲେ । ଯୋଗଦାନ କରିବା ପରେ ନିଜ ପ୍ରତିକ୍ରିୟାରେ ସେ ଜଳେଶ୍ୱରର ଆଇନ୍ ଶୃଙ୍ଖଳା ପରିସ୍ଥିତି, ନିଶାକାରବାର, ଟ୍ରାଫିକ୍ ନିୟନ୍ତ୍ରଣ ସହିତ ନାଇଟ୍ ପେଟ୍ରୋଲିଂ ଉପରେ ଗୁରୁତ୍ୱ ଦେବେ ବୋଲି ପ୍ରକାଶ କରିଛନ୍ତି ।
ରିପୋର୍ଟ : ଭୂପତି କୁମାର ପରିଡା