ଛତ୍ରପୁର (ସମୃଦ୍ଧ ଓଡିଶା) ଗତକାଲି ଛତ୍ରପୁର ଠାରେ ଜାତୀୟ ସାମାଜିକ ସୁରକ୍ଷା ସହାୟତା କାର୍ଯ୍ୟକ୍ରମ ଉପରେ ଏକ ଦିନିକିଆ ବ୍ଲକସ୍ତରୀୟ କର୍ମଶାଳା ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ବିଡିଓ ଅମ୍ବିକା ପ୍ରସାଦ ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ କରାଯାଇଥିଲ। । ଏଥିରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଶୂଭ୍ରାଂଶୁ କୁମାର ମହାରଣା, ଛତ୍ରପୁର ଉପଖଣ୍ଡ ସାମାଜିକ ସୁରକ୍ଷା ଅଧିାକରୀ ପଞ୍ଚାନନ ପଣ୍ଡା, ବ୍ଲକ ସମାଜିକ ସୁରକ୍ଷା ଅଧିକାରୀ ରାଜେନ୍ଦ୍ର ମଲ୍ଲିକ, ବ୍ଲକ ଯୋଗାଣ ଅଧିକାରୀ ନିଖିଳ କୁମାର ବସ୍ତିଆ, ଜିଲ୍ଲା ସାମାଜିକ ସମୀକ୍ଷକ ଡଃ.ରବିନ୍ଦ୍ର ନାଥ ମଲାଣ, ବ୍ଲକ ସମୀକ୍ଷକ ପ୍ରକାଶ ବେହେରା, ଜିଲ୍ଲା ପ୍ରୋଗ୍ରାମ ଅଫିସର ଟୁନା ମହାରଣା ଓ ସୁବ୍ରତ କୁମାର ବରିହା ପ୍ରମୁଖ ଯୋଗାଦେଇ କର୍ମଶାଳାରେ ଯୋଗଦେଇଥିବା ଗ୍ରାମ୍ୟ ସାଧକ (ଭିଆରଏସ)ମାନଙ୍କୁ ଜାତୀୟ ସାମାଜିକ ସହାୟତା ଯୋଜନା ସଂପର୍କରେ ତାଲିମ ପ୍ରଦାନ କରିଛନ୍ତି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା