ଛତ୍ରପୁର (ସମୃଦ୍ଧ ଓଡିଶା) ଜାତୀୟ ହ୍ୱିଲ ଚେୟାର ଅସିଚାଳନା ପ୍ରତିଯୋଗିତାରେ ଛତ୍ରପୁର ଗିଲଟିପେଟା ସାହିର ଭି.ରମେଶ ରାଓ ବ୍ୟକ୍ତିଗତ ଭାବେ ସ୍ଵର୍ଣ୍ଣପଦକ ହାସଲ କରିଥିବା ବେଳେ ଓଡିଶା ଦଳର ଟିମ ନେତୃତ୍ୱ ନେଇ ୨ଟି ସ୍ଵର୍ଣ୍ଣ ପଦକ ହାସଲ କରିଛନ୍ତି । ଚେନ୍ନାଇର ଜବାହାରଲାଲ ନେହରୁ ଇନଡୋର ଷ୍ଟାଡିୟମ ଠାରେ ଗତ ୨୬ ତାରିଖ ଠାରୁ ୨୮ ତାରିଖ ପର୍ଯ୍ୟନ୍ତ ଅନୁଷ୍ଠିତ ହୋଇଥିବା ଦ୍ୱାଦଶ ଜାତୀୟ ହ୍ୱିଲ ଚେୟାର ଅସିଚାଳନା ପ୍ରତିଯୋଗିତାରେ ବ୍ୟକ୍ତିଗତ ଭାବେ ଭି.ରମେଶ ରାଓ ହରିୟାନା ରାଜ୍ୟର ଜଣେ ପ୍ରତିଯୋଗିତାକୁ ପରାସ୍ତ କରି ସ୍ବର୍ଣ୍ଣ ପଦକ ହାସଲ କରିଛନ୍ତି । ସେହପରି ଓଡିଶା ପାଇଁ ଗ୍ରୁପ ପ୍ରତିଯୋଗିତାରେ ଭି.ରାମେଶ ରାଓଙ୍କ ନେତୃତ୍ୱରେ ଓଡିଶା ଦଳ ହରିୟାନ ଓ ତାମିଲନାଡୁ ରାଜ୍ୟ ପରାସ୍ତ କରି ୨ଟି ସ୍ବର୍ଣ୍ଣ ପଦକ ହାସଲ କରିଛନ୍ତି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା