ଜଳେଶ୍ୱର (ସମୃଦ୍ଧ ଓଡିଶା) ବାଲେଶ୍ୱର ଜିଲାସ୍ତରୀୟ ଯୁବ ଉତ୍ସବ ଆସନ୍ତା ନଭେମ୍ବର ୨୧ ଓ ୨୨ ତାରିଖରେ ବାଲେଶ୍ୱର ସହରର ଗାନ୍ଧିସ୍ମୃତି ଭବନରେ ଅନୁଷ୍ଠିତ ହେବାକୁ ଯାଉଛି । ଏହି ପରିପ୍ରେକ୍ଷୀରେ ଜଳେଶ୍ୱର ବ୍ଲକ ଓ ମ୍ୟୁନିସିପାଲ୍ଟି ସ୍ତରୀୟ ପ୍ରତିଭା ଚୟନ ଶିବିର ସ୍ଥାନୀୟ ଦିଗମ୍ବରୀଦେବୀ +୨ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ଜିଲ୍ଲା ଖାଉଟି ଅଦାଲତର ପୂର୍ବତନ ସଭାପତି ସୁକୁମାର ରଣାଙ୍କ ପୌରହିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଜଳେଶ୍ୱର ବିଡିଓ ନିତ୍ୟାନନ୍ଦ ସାହୁ, ବ୍ଲକ ଏକାଣ୍ଟସ୍ ଅଫିସର ନରହରି ବାରିକ, ବିଜୁ ଯୁବ ବାହିନୀ ବ୍ଲକ ସଂଯୋଜକ କାଳିଚାରଣ ଦାସ, ପୌରପରିଷଦ ସଂଯୋଜକ ଜଗନ୍ନାଥ ଗୋଚ୍ଛାୟତ, ବିଚାରକ ତନୁଜା ରଣା, ଗୁରୁ ପ୍ରମୋଦ କୁମାର ପଣ୍ଡା, ଗୁରୁ ମହେଶ୍ୱର ପ୍ରଧାନ, ବରିଷ୍ଠ ଅନୁଷ୍ଠାନର ସଂପାଦିକା ମଧୁଛନ୍ଦା ମହାନ୍ତି, ସାମ୍ବାଦିକ ଘନଶ୍ୟାମ ଗିରି ପ୍ରମୁଖ ଯୋଗଦେଇ ଏହି ଶିବିର ମାଧ୍ୟମରେ ପ୍ରତିଭା ଚୟନ କରିଥିଲେ । ଏହି କାର୍ଯ୍ୟକ୍ରମକୁ ଚନ୍ଦନ କର, ମାନସ ରଂଜନ ଧଳ, ଗୌତମ ମାଝୀ, ରାଜୁ ଦଳେଇ, ମାନସ ପାତ୍ର, ଅରବିନ୍ଦ ସାହୁ ପ୍ରମୁଖ ପରିଚାଳନା କରିଥିଲେ ।
ରିପୋର୍ଟ : ଭୂପତି କୁମାର ପରିଡା