ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ସହରର ଅନ୍ୟତମ ପ୍ରତିଷ୍ଠିତ ଜ୍ଞାନବିକାଶ ଆଇଟିଆଇରେ ଆଜି ରଶ୍ମୀ ଗ୍ରୁପ ଅଫ କମ୍ପାନୀ ପକ୍ଷରୁ କେମ୍ପସ୍ ଚୟନ କାର୍ଯ୍ୟ ପୂର୍ବାହ୍ନରେ ଅନୁଷ୍ଠିତ ହୋଇ ଯାଇଛି । ବୈଷୟିକ ଶିକ୍ଷା ଯୋଗାଇ ଆସୁଥିବା ଉକ୍ତ ଆଇଟିଆଇକୁ ବିଭିନ୍ନ ସମୟରେ କୃତି ଛାତ୍ରଛାତ୍ରୀ ମାନଙ୍କୁ ବିଭିନ୍ନ କମ୍ପାନୀ ମାନଙ୍କର କର୍ତ୍ତୃପକ୍ଷ ମାନେ କେମ୍ପସ୍ ଚୟନ କରିବା ପାଇଁ ଆସିଥାନ୍ତି । ରଶ୍ମୀ ଗ୍ରୁପ ଅଫ କମ୍ପାନୀର ଡେପୁଟି ମ୍ୟାନେଜର (ଏଚ୍ଆର୍) ଶିଦେ୍ଧଶ୍ୱର ସର୍ମା ଚୟନ ପ୍ରକ୍ରିୟା ଆରମ୍ଭ କରି ଫିଟର ଟ୍ରେଡ୍ରୁ ୩୦ଜଣ ଛାତ୍ରଙ୍କୁ ଚୟନ କରିଥିବା ଜଣାଯାଇଛି । ଏହି ଚୟନ କାର୍ଯ୍ୟ ସମୟରେ ଜ୍ଞାନବିକାଶ ଆଇଟିଆଇର ପ୍ରତିଷ୍ଠାତା ଲେଲିନ୍ କୁମାର ପ୍ରଧାନ, ଯୁଗ୍ମ ସଂପାଦକ ଅନୁପ କୁମାର ପଣ୍ଡା ଉପସ୍ଥିତ ରହି ଉଦବୋଧନ ଦେବା ସହିତ ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ ।
ରିପୋର୍ଟ : ଭୂପତି କୁମାର ପରିଡା