ଢେଙ୍କାନାଳ (ସମୃଦ୍ଧ ଓଡିଶା) ଆଜି ଜିଲ୍ଲା ଆଇନ ସେବା ପ୍ରାଧିକରଣର ଭାରପ୍ରାପ୍ତ ଅଧ୍ୟକ୍ଷ କ୍ଷୀରୋଦ କୁମାର ଦାଶଙ୍କ ନିର୍ଦ୍ଧେଶ କ୍ରମେ ସଚିବ ଅରୁଣ ପଟ୍ଟନାୟକ, ଶିଶୁ ସୁରକ୍ଷା ଅଧିକାରୀ, ଢେଙ୍କାନାଳ ଅନୁରାଧା ଗୋଶ୍ୱାମି ଓ PLV କବିତା ବେହେରା ଗତକାଲି ଢେଙ୍କାନାଳ ଅଳସୁଆ ହାଟ ଠାରେ ଘଟିଯାଇଥିବା ଦୁର୍ଘଟଣା ସ୍ଥାନକୁ ଗ୍ରସ୍ତ କରିଥିଲେ । ସେଠାକାର କିଛି ସ୍ଥାନୀୟ ଲୋକ ଓ ପ୍ରତ୍ୟକ୍ଷଦର୍ଶୀଙ୍କ ସହ ଦୁର୍ଘଟଣା ବିଷୟରେ ଆଲୋଚନା କରିଥିଲେ ଓ ଦୁର୍ଘଟଣା ସ୍ଥଳର ପାରିପାର୍ଶିକ ସ୍ଥିତି ଅନୁଧ୍ୟାନ କରିଥିଲେ । ଦୁର୍ଘଟଣାରେ ମୃତାହତ ଏବଂ ଚିକିତ୍ସିତ ହେଉଥିବା ବ୍ୟକ୍ତିଙ୍କ ପରିବାର ସହ ଭେଟି ସେମାନଙ୍କ ଆଶୁ ଆରୋଗ୍ୟ କାମନା କରିବା ସଂଗେ ସଂଗେ ସେମାନଙ୍କ ପରିବାରକୁ ସରକାରୀ ଆର୍ଥିକ ସହାୟତା ଯୋଗାଇ ଦେବା ପାଇଁ ଜିଲ୍ଲା ପ୍ରଶାସନକୁ ଅନୁରୋଧ କରିଛନ୍ତି । ତତ ସଂଗେ ସଂଗେ ମୃତ ବ୍ୟକ୍ତି ମାୟାଧର ମଲ୍ଲିକ ସା-ସିଦ୍ଦାପଡା ଜି-ଢେଙ୍କାନାଳଙ୍କ ପରିବାର ଚାରି ସନ୍ତାନଙ୍କ ମଧ୍ୟରୁ ତିନି ଜଣ ପିଲାଙ୍କୁ ପାଠ ପଢିବା ପାଇଁ ଆର୍ଥିକ ସହାୟତା ଯୋଗାଇ ଦେବା ପାଇଁ ମଧ୍ୟ କୁହାଯାଇଛି ଏବଂ ଜଣେ PLVଙ୍କୁ ମଧ୍ୟ ଉକ୍ତ ପରିବାରକୁ ସାହାର୍ଯ୍ୟ କରିବା ପାଇଁ ନିର୍ଦ୍ଦେଶ ଦିଆଯାଇଛି ।
ରିପୋର୍ଟ : ଶୁଭମ କୁମାର ପାଣି