ଢେଙ୍କାନାଳ (ସମୃଦ୍ଧ ଓଡିଶା) ଢେଙ୍କାନାଳର ପୁରାତନ ସାଂସ୍କୃତିକ ବିଦ୍ୟାଳୟ ”ନୃତ୍ୟମ”ର ୨୨ତମ ବାର୍ଷିକ ଉତ୍ସବ ସ୍ଥାନୀୟ ଗୋପବନ୍ଧୁ ଟାଉନ ହଲଠାରେ ଗତକାଲି ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ମୁଖ୍ୟ ଅତିଥି ଭାବେ ଢେଙ୍କାନାଳର ଅତିରିକ୍ତ ଜିଲ୍ଲାପାଳ ପୂର୍ଣ୍ଣଚନ୍ଦ୍ର ମିଶ୍ର, ସ୍ୱତନ୍ତ୍ର ଅତିଥି ଭାବେ ରାଜ୍ୟ ସମବାୟ ବ୍ୟାଙ୍କ ସଭାପତି ଅକ୍ଷୟ କୁମାର ମହାନ୍ତି ଅନୁଷ୍ଠାନର ପରିଚାଳିକା ଶ୍ରୀମତୀ ମନୋରମା ସିଂ ଅତିଥି ରୂପେ ମଞ୍ଚାସିନ ରହିଥିଲେ । ପ୍ରାରମ୍ଭରେ ଢେଙ୍କାନାଳର ପର୍ବ ପର୍ବତାରୋହୀ କଳ୍ପନା ଦାସଙ୍କ ବିୟୋଗ ନିମନ୍ତେ ୧ମିନିଟ ନିରବ ପ୍ରାର୍ଥନା କରାଯାଇଥିଲା । ସ୍କୁଲର ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷିତ କରାଯାଇଥିଲା । କାର୍ଯ୍ୟକ୍ରମଟିକୁ ଅବନୀ ମିଶ୍ର ସଭାପତିତ୍ୱ କରିଥିଲେ । ଅନୁଷ୍ଠାନର ସମ୍ପାଦିକା ଶ୍ରୀମତୀ ସଂଗୀତା ସିଂ କୋଷାଧ୍ୟକ୍ଷ ରବୀନ ଗାନ୍ଧୀ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରି ସଫଳ କରିଥିଲେ । ସ୍ୱାଗତ ସଂଗୀତକୁ ଗଣେଶ ମିଶ୍ର ଅତି ସୁନ୍ଦର ଭାବେ ପ୍ରବିଷଣ କରିଥିଲେ ।
ରିପୋର୍ଟ : ଶୁଭମ କୁମାର ପାଣି
