ଭଞ୍ଜନଗର (ସମୃଦ୍ଧ ଓଡିଶା) କରୋନା ମୁକାବିଳାରେ ନିଜ ଜୀବନକୁ ବାଜିରେ ଲଗାଇ ନିଜର ପ୍ରାଣ ବଳି ଦେଇଥିବା ଶିକ୍ଷକ ସର୍ଗତଃ କୁଶଧ୍ୱଜ ସେଠୀଙ୍କ ପରିବାର ବର୍ଗଙ୍କୁ ତୁରୁମୁ କ୍ଲଷ୍ଟର ତରଫରୁ ଆର୍ଥିକ ସାହାୟତା ପ୍ରଦାନ କରାଯାଇଛି । ତୁରୁମୁ କ୍ଲଷ୍ଟର ସି.ଆର.ସି.ସି ମନୋଜ କୁମାର ଗୌଡ଼ଙ୍କ ନେତୃତ୍ୱରେ ସମସ୍ତ ଶିକ୍ଷକ ଶିକ୍ଷୟିତ୍ରୀଙ୍କ ଠାରୁ କିଛି ଆର୍ଥିକ ସାହାଯ୍ୟ ନଗଦ ୧୮୫୦୦/ଟଙ୍କା ଅର୍ଥ ରାଶିକୁ ସ୍ୱର୍ଗତଃ ସେଠୀଙ୍କ ସ୍ତ୍ରୀଙ୍କୁ ପ୍ରଦାନ କରାଯାଇଥିଲା । ଆଜିର କାର୍ଯ୍ୟକ୍ରମରେ ଶିକ୍ଷୟିତ୍ରୀ ଡି. ରାବଣାମା, ଶିକ୍ଷକ, ସୁଦାମ ଦଳବରା, କାଳି ଚରଣ ସେଠୀ, ଭକ୍ତ ବନ୍ଧୁ ବିଷୋୟୀ, ଧୋବ ଗୌଡ଼, ଅଶ୍ୱିନୀ ମଳିକ ପ୍ରମୁଖ ଉପସ୍ଥିତ ରହି ତୁରୁମୁ କ୍ଲଷ୍ଟର ତରଫରୁ ସଂଗୃହିତ ହୋଇଥିବା ଅର୍ଥ ରାଶିକୁ ପ୍ରଦାନ କରିଥିଲେ । ଏ ଯାବତ ସରକାରୀ ସହାୟତା ତାଙ୍କ ପରିବାରକୁ ନ ମିଳିଥିବାରୁ ସମସ୍ତେ ସହାୟତା ରାଶି ପ୍ରଦାନ ନିମିତ୍ତ ଅନୁରୋଧ କରିଛନ୍ତି ।
