ପାରଳାଖେମୁଣ୍ଡି (ସମୃଦ୍ଧ ଓଡିଶା) ଗଜପତି ଜିଲ୍ଲା ପାରଳାଖେମୁଣ୍ଡି ମୁନିସପାଲଟି କଲୋନୀର ଘନଶ୍ୟାମ ବେହେରା ଓ ସଂଯୁକ୍ତା ବେହେରାଙ୍କ କନିଷ୍ଠ ଝିଅ ପ୍ରୀତିପ୍ରିୟା ବେହେରା ଥାଇଲାଣ୍ଡରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୩୫ତମ ଆସିଅନ ସମିତିର କାର୍ଯ୍ୟକ୍ରମରେ ଯୋଗଦେଇ ଓଡିଶୀନୃତ୍ୟ ପଦର୍ଶନ କରି ଗଜପତି ଜିଲ୍ଲାର ଉଦାହରଣ ପାଲଟିଛନ୍ତି । ଏହି କାର୍ଯ୍ୟକ୍ରମଟି ଥାଇଲାଣ୍ଡର ବ୍ୟାଙ୍କକ୍ ରେ ଅନୁଷ୍ଠିତ ହୋଇଥିଲା । ଥାଇଲାଣ୍ଡରେ ଭାରତୀୟ ଦ୍ରୁତବାସର ଅନୁରୋଧ କ୍ରମେ ବ୍ୟାଙ୍କକ୍ ରେ ଅବସ୍ତିତ ପ୍ରବାସୀ ଭାରତୀୟ ସଂଘଠକ ତରଫରୁ ଥାଇଲାଣ୍ଡରେ ବସବାସ କରୁଥିବା ସମସ୍ତ ଓଡ଼ିଆ ସଂଘଠକ ଓ ଓଡ଼ିଆ କମିଟି ତରଫରୁ ପୂର୍ଣ୍ଣିମା ସାହୁ ଓ ବିଶ୍ୱରଂଜନ ମହାନ୍ତିଙ୍କ ନେତୃତ୍ୱରେ ଓଡ଼ିଶୀନୃତ୍ୟ ଶିଳ୍ପୀ ପ୍ରୀତିପ୍ରିୟା ବେହେରା, ରତିକା ମହାନ୍ତି, ମଧୁସ୍ମିତା ସ୍ଵାଇଁ ଓ ପ୍ରିୟଦର୍ଶନି ପ୍ରଧାନ ଏହି କାର୍ଯ୍ୟକ୍ରମରେ ଓଡ଼ିଶୀନୃତ୍ୟ ପଦର୍ଶନ କରି ଦର୍ଶକଙ୍କ ଦ୍ଵାରା ପ୍ରଶଂସିତ ହୋଇଥିଲେ ।
ରିପୋର୍ଟ : କୃଷ୍ଣ କୁମାର ବେହେରା
