ଦିଗପହଣ୍ଡି (ସମୃଦ୍ଧ ଓଡିଶା) ଦିଗପହଣ୍ଡି ନିକଟ ଚୁଡଙ୍ଗପୁର ଗ୍ରାମ ମୁଖ୍ୟ ରାସ୍ତାରେ ଅଭାବନୀୟ ଦୁର୍ଘଟଣା ଘଟିଥିବା ସୂଚନା ମିଳିଛି । ସେହି ଦୁର୍ଘଟଣାରେ ଜଣେ ମହିଳାଙ୍କ ମୃତ୍ୟୁ ଘଟିଛି । ସେହି ମହିଳା ଚୁଡଙ୍ଗପୁର ବଡ଼ସାହି ବାସିନ୍ଦା ଏ.ଲଷ୍ମୀ ପାତ୍ର(୩୭) ତାଙ୍କ ସ୍ୱାମୀ କୈଳାସ ପାତ୍ର(୪୨)ଜଣେ ଦିନ ମଜୁରିଆ ଭାବେ କାର୍ଯ୍ୟ କରନ୍ତି । ରବିବାର ଦିନ ସମୟ ପ୍ରାୟ ୪ଘଣ୍ଟ ବେଳେ ବ୍ରହ୍ମପୁର ଅଭିମୁଖେ ଯାତ୍ରା କରିବା ପାଇଁ ବସ ଅପେକ୍ଷାରେ ରାସ୍ତାରେ ଠିଆହୋଇ ରହିଥିବା ବେଳେ ଏକ ନମ୍ବର ବିହୀନ ଟିଭିଏସ ସ୍ପୋର୍ଟଶ ବାଇକ ଦ୍ରୁତ ଗତିରେ ଆସି ଲଷ୍ମୀଙ୍କୁ ଧକ୍କା ମାରିଥିଲା, ଘଟଣା ସ୍ଥଳରେ ଲଷ୍ମୀଙ୍କ ମୁଣ୍ଡ ଓ କାନରେ ଗଭୀର କ୍ଷତ ହେବା ଫଳରେ ସେ ତଳେ ପଡିଯାଇଥିଲେ । ତାଙ୍କୁ ସେଠାରୁ ଦମକଳ ବହିନୀଙ୍କ ସହଯୋଗରେ ଦିଗପହଣ୍ଡି ଗୋଷ୍ଠି ସ୍ୟାସ୍ଥ୍ୟ କେନ୍ଦ୍ରକୁ ଅଣାଯାଇଥିଲା ସେଠାରେ ଡାକ୍ତର ଲଷ୍ମୀଙ୍କୁ ମୃତ ଘୋଷଣା କରିଥିଲେ । ତାଙ୍କ ଶବକୁ ବ୍ୟବଛେଦ ସକାଶେ ବ୍ରହ୍ମପୁର ପଠାଯାଇଥିଲା । ଏନେଇ ଦିଗପହଣ୍ଡି ଥାନାରେ କେସ ନଂ-୫୦/୧୯ ରେ ଏକ ମାମଲା ରୁଜୁ କରାଯାଇଛି ଏବଂ ବାଇକ ଚାଳକଙ୍କୁ ପୋଲିସ ଧରିନେଇ ଅଧିକ ତଦନ୍ତ ଆରମ୍ଭ କରିଛି ବୋଲି ଏ.ଏସ.ଆଇ ବି.ଲାଛମେୟା ରେଡ୍ଡୀ ସୂଚନା ଦେଇଛନ୍ତି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା