ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ନିକଟସ୍ଥ ଆମ୍ବଳିଅଠା ଠାରେ ଦୁଇଟି ବାଇକ ମୁହାଁମୁହିଁ ଧକ୍କା ହେବା ଫଳରେ ଜଣେ ବାଇକ ଚାଳକ ଗୁରୁତର ଆହତ ହୋଇଥିବା ବେଳେ ଅନ୍ୟ ବାଇକର ଦୁଇଜଣ ଆହତ ହୋଇଛନ୍ତି । ଏହି ଦୂର୍ଘଟଣାରେ ଆମ୍ବଳିଅଠା ଗ୍ରାମର ହରେନ୍ଦ୍ର ସେଠୀଙ୍କ ପୁତ୍ର ବୀରେନ୍ଦ୍ର (ପପୁ ୨୮ବର୍ଷ) ଗୁରୁତର ଭାବେ ଆହତ ହୋଇଥିବା ବେଳେ ସ୍ଥାନୀୟ ଲୋକମାନେ ତାଙ୍କୁ ଚିକିତ୍ସା ପାଇଁ ବାଲେଶ୍ୱର ସଦର ହସପିଟାଲକୁ ପଠାଇଥିଲେ ।ଅନ୍ୟ ଦୁଇ ଜଣ ଆହତ ବ୍ୟକ୍ତି ହେଲେ ଭୋଗରାଇ ଥାନା ଅନ୍ତର୍ଗତ କୀର୍ତନିଆ ଗ୍ରାମର ଯୋଗେଶ୍ୱର ସାହୁ(୫୪) ଓ ବେଲା ଗ୍ରାମର ଗଣେଶ ଚନ୍ଦ୍ର ଜେନା ବୋଲି ଜଣାପଡିଛି । ଏହି ଦୁଇ ଜଣ ଜଳେଶ୍ୱର କୃଷି କାର୍ଯ୍ୟାଳୟକୁ କୃଷି ତାଲିମ କାର୍ଯ୍ୟକ୍ରମରେ ଯୋଗଦେବା ପାଇଁ ଆସୁଥିବା ବେଳେ ଏହି ଦୁର୍ଘଟଣା ଘଟିଥିଲା ।
ରିପୋର୍ଟ : ଭୂପତି କୁମାର ପରିଡା