ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକ ଅନ୍ତର୍ଗତ ରାୟାଁରାମଚନ୍ଦ୍ରପୁର ଗାଁର ପଞ୍ଚଲିଙ୍ଗେଶ୍ୱର-କପିଳେଶ୍ୱର ମହାଦେବ ମନ୍ଦିର ପ୍ରାଙ୍ଗଣରେ ଶିବ ଚତୁଦ୍ଦଶୀ ପାଳନ ଅବସରରେ ଏକ ଉଜ୍ଜଳ ଆଲୋକ ସ୍ତମ୍ଭ ଲୋକାର୍ପିତ ହୋଇଥିଲା । ବିଧାୟକ ଅଶ୍ୱିନୀ କୁମାର ପାତ୍ର ଏହାକୁ ଲୋକାର୍ପିତ କରି ଗ୍ରାମ ମଝିରେ ଥିବା ଏହି ଆଲୋକ ବ୍ୟବସ୍ଥା ଜନସାଧାରଣଙ୍କ ବହୁ ଉପକାରେ ଆସିବ ବୋଲି କହିଥିଲେ । ବିଧାୟକଙ୍କ ସହିତ ଜିଲାପରିଷଦ ସଦସ୍ୟା ସାବିତ୍ରୀ ଦାସ, ସମାଜସେବୀ ପ୍ରବୀର ଦାସ, ବିଜେଡି ଯୁବ ସଭାପତି ମଧୁସୂଦନ ସେନାପତି, ସୂର୍ଯ୍ୟାନନ୍ଦ ପାଳ ପ୍ରମୁଖ ଉପସ୍ଥିତ ଥିଲେ । ପଞ୍ଚାୟତର ଦେବବ୍ରତ ନନ୍ଦ, ସପନ କୁମାର ଦାସ, ମନୋରଞ୍ଜନ ଦଳେଇ, ଭୂବନ ପାଳ, ବିନୋଦ କୁମାର ଗିରି, ବଙ୍କିମ କୁମାର ବାରିକ ପ୍ରମୁଖ ଉପସ୍ଥିତ ଥିଲେ ।
ରିପୋର୍ଟ : ଭୂପତି କୁମାର ପରିଡା