ବ୍ରହ୍ମପୁର (ସମୃଦ୍ଧ ଓଡିଶା) ଇଂଜିନିୟରିଂ ସ୍କୁଲ ନିକଟସ୍ଥ ରାଜସ୍ୱ ବଙ୍ଗଳା ସମ୍ମିଳନୀ କକ୍ଷରେ ଗତ ରବିବାର ଦିନ ନ୍ୟାସନାଲ ଆସୋସିଏସନ ଅଫ ପୋଷ୍ଟାଲ ଏମ୍ପ୍ଲଇଜ ଗ୍ରୁପ ସି ବ୍ରହ୍ମପୁର ପୋଷ୍ଟାଲ ଡିଭିଜନ ବ୍ରାଞ୍ଚର ୧୧ତମ ଦ୍ୱିବାର୍ଷିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ନୂତନ କର୍ମକର୍ତ୍ତାଙ୍କ ନାଁ ଚୟନ କରାଯାଇ ବାର୍ଷିକ ଆୟବ୍ୟୟର ବିବରଣୀ ଉପସ୍ଥାପନା କରାଯାଇଥିଲା । ଏହାସହ ଅବସରପ୍ରାପ୍ତ କର୍ମୀଚାରି ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ସମ୍ପାଦକ କେଦାରନାଥ ଶତପଥୀ ବିବରଣୀ ପାଠ କରିଥିଲେ । ଏଥିରେ ମୁଖ୍ୟ ଅତିଥି ଭାବେ ପୋଷ୍ଟ ମାଷ୍ଟର ଜେନେରାଲ କର୍ଣ୍ଣଲ ଜଳେଶ୍ୱର କହ୍ନର, ସମ୍ମାନିତ ଅତିଥି ଭାବେ ସିନିଅର ସୁପରିଟେଣ୍ଡେଣ୍ଟ ମହମ୍ମଦ ଜାଫର ସାଦିକ, ଆଇଏନଟିୟୁସି ସଭାପତି ପୀତବାସ ପଣ୍ଡା, ମୁଖ୍ୟ ବକ୍ତା ଭାବେ ବ୍ରହ୍ମପୁର ଆକାଶବାଣୀ କେନ୍ଦ୍ରର କାର୍ଯ୍ୟକ୍ରମ ନିର୍ଦ୍ଦେଶକ ହୃଷିକେଶ ପାଣିଗ୍ରାହୀ ପ୍ରମୁଖ ଯୋଗ ଦେଇଥିବା ବେଳେ ଅନ୍ୟମାନଙ୍କ ମଧ୍ୟରେ ଏନଏପିଏଲ ଗ୍ରେଡ଼ସିର ସଭାପତି ଅରୁଣ କୁମାର ବେହେରା, ସମ୍ପାଦକ ମନୋଜ କୁମାର ପାଣିଗ୍ରାହୀ, ଲମ୍ବୋଦର ରାଉତ, ଗୌତମ ଦାଶ, ପୂର୍ବତନ ବିଧାୟକ ତ୍ରିନାଥ ବେହେରା, ସର୍କଲ ସଭାପତି ରାମଚନ୍ଦ୍ର ଦାସ, ସହସର୍କଲ ସମ୍ପାଦକ ସନ୍ତୋଷ କୁମାର ମହାପାତ୍ର ପ୍ରମୁଖ ଯୋଗ ଦେଇଥିଲେ ।
ରିପୋର୍ଟ : ଦକ୍ଷିଣାଞ୍ଚଳ ବ୍ୟୁରୋ ଚିଫ ନିମାଇଁ ଚରଣ ପଣ୍ଡା