ବ୍ରହ୍ମପୁର (ସମୃଦ୍ଧ ଓଡିଶା) ବ୍ରହ୍ମପୁର କେ ସି ଟାଉନ ଉଚ୍ଚବିଦ୍ୟାଳୟରେ ୯୦ ମସିହା ବେଚ ଛାତ୍ର ମାନଙ୍କର ଏକ ଗୁରୁତ୍ୱପୂର୍ଣ ବୈଠକ ମା ମହୁରୀ କାଳୁଆ ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି l ଆବାହକ ତଥା ସମାଜସେବୀ ମନୋଜ ସାହୁଙ୍କ ଆବାହକତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଭି. ଜଗଦିଶ କୁମାର ସଭାକାର୍ଯ୍ୟ ପରିଚାଳନା କରିଥିଲେ l ଏହି ବୈଠକରେ ସର୍ବସମ୍ମତି କ୍ରମେ ରକ୍ତଦାନ ଶିବିର ମାନ ଆୟୋଜନ କରିବା, ଦୂର ଅଂଚଳରୁ ମେଡିକାଲ କାମରେ ଆସୁଥିବା ଅସହାୟମାନଙ୍କୁ ଯଥାଚିତ ସାହାଯ୍ୟ ଯୋଗାଇବା ଏବଂ ବେଚର ଦୁଇ ଜଣ ସହପାଠୀଙ୍କୁ ଆର୍ଥିକ ଆତ୍ମନିର୍ଭର କରାଇବା ପାଇଁ ନିଷ୍ପତି ନିଆଯାଇଥିଲା l ଆସନ୍ତା ଦିନରେ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀମାନଙ୍କୁ ସମ୍ମାନିତ କରିବା ଉଦ୍ଦେଶ୍ୟରେ ଏକ ସଭା ଆୟୋଜନ କରାଯାଇ ଏହି ସଭାରେ ବିଦ୍ୟାଳୟର ବିଭିନ୍ନ ସମସ୍ୟା ମାନ ବିଷୟରେ ଆଲୋଚନା କରି ତାର ସମାଧାନ ଦିଗରେ ପଦକ୍ଷେପ ନିଆଯିବ ବୋଲି କହିଛନ୍ତି ଗହଣା ଦୋକାନୀ ତଥା ସମାଜସେବୀ ଧୀରଜ କୁମାର ସାହୁ l ଏହି କାର୍ଯ୍ୟକ୍ରମରେ ରବୀନ୍ଦ୍ର ପାଣିଗ୍ରାହୀ, ସମୀର ଚୌଧୁରୀ, ନିତ୍ୟାନନ୍ଦ କୁଣ୍ଡୁ, ସୁନୀଲ ସୁବୁଦ୍ଧି, ରବୀନ୍ଦ୍ର ଗୌଡ଼, ବାଲାଜୀ ନାୟକ, ରବୀନ୍ଦ୍ର ବିଶ୍ୱାଳ, ପୁର୍ଣ ପାତ୍ର, ବାଲାଜୀ ସାହୁ ଏବଂ ସୁନୀଲ ପାତ୍ରଙ୍କ ସମେତ ୩୫ ଜଣ ଛାତ୍ର ଯୋଗ ଦେଇଥିଲେ l ସଭା ଶେଷରେ ରମେଶ ଚନ୍ଦ୍ର ବେହେରା ଧନ୍ୟବାଦ ଅର୍ପଣ କରିଥିଲେ l
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା