ଜଳେଶ୍ୱର (ସମୃଦ୍ଧ ଓଡିଶା) ଆଦିବାସୀ ଅଧ୍ୟୁଷିତ ରାଇବଣିଆର ଉପାନ୍ତ ଶ୍ୟାମନଗର ପଂଚାୟରର ଚନ୍ଦ୍ରପୁର ପୁରୁଷୋତ୍ତମ ବିଦ୍ୟାନିକେତନର ବାର୍ଷିକ ଉତ୍ସବ ଅନୁଷ୍ଠିତ ହୋଇ ଯାଇଛି । ଏଥିରେ ବିଦ୍ୟାଳୟର ପ୍ରତିଷ୍ଠାତା ସୁଧିର କୁମାର ସାସମଲ ପୌରହିତ୍ୟ କରି ଥିଲେ । ମୁଖ୍ୟ ଅତିଥିଭାବେ ଓଷ୍ଟା ରାଇବଣିଆ ମଣ୍ଡଳର ସଭାପତି ଅଶୋକ କୁମାର ଘଡେଇ ଯୋଗ ଦେଇ ଶିକ୍ଷା ସମସ୍ତଙ୍କ ପାଇଁ ଅପରିହାର୍ଯ୍ୟ ଓ ଓଷ୍ଟା ଏଥିପାଇଁ ପ୍ରୟାସ ଜାରି ରଖିଛି ବୋଲି କହିଥିଲେ । ମୁଖ୍ୟ ବକ୍ତଭାବେ ଓଷ୍ଟାର ସଂପାଦକ ବଂଶୀଧର ବାରିକ ଯୋଗ ଦେଇ ବିଦ୍ୟାଳୟର ଚାରିକାନ୍ଥ ମଧ୍ୟରେ ଶିକ୍ଷା ସୀମିତ ନ ରହି ସରକାରଙ୍କ ନିତୀନିୟମ ଅନୁଯାୟୀ ଅବାଧ ଓ ମୁକ୍ତ ହେବା ଉଚିତ ବୋଲି କହିଥିଲେ । ଅନ୍ୟମାନଙ୍କ ମଧ୍ୟରେ ନିକୁଞ୍ଜ ବିହାରୀ ଗାନ୍ଧି, ରେବାମଣି ଗାନ୍ଧି ସମ୍ମାନୀତ ଅତିଥିଭାବେ ଯୋଗ ଦେଇଥିଲେ । ପ୍ରଧାନ ଶିକ୍ଷକ ଗଗନ ବିହାରୀ ପରିଡା ବିବରଣୀ ପାଠ କରିଥିବା ବେଳେ କୃତୀ ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା । ମୃତୁଞ୍ଜୟ ବେହେରା ଧନ୍ୟବାଦ ଅର୍ପଣ କରିଥିଲେ ।
ରିପୋର୍ଟ : ଭୂପତି କୁମାର ପରିଡା