ଜଳେଶ୍ୱର (ସମୃଦ୍ଧ ଓଡିଶା) ଲଗାଣ ବର୍ଷା ଲାଗି ରହିିଥିବାରୁ କେତେକ ସ୍ଥାନରେ ଅଘଟଣା ଘଟିଥିବା ଖବର ମିଳିଛି । ଜଳେଶ୍ୱର ବ୍ଲକ ଅନ୍ତର୍ଗତ ଚମାରଗାଁ ପଂଚାୟତର ଚାଫଲା ଗାଁର କମଳେନ୍ଦୁ ଭୁୟାଁ ଓରଫ କାଳିଆଙ୍କ ଘରଟି ଭୁଷୁଯାଇଥିବା ଜଣାଯାଇଛି । ଭାଗ୍ୟକୁ ଏଥିରେ କୌଣସି କୃତାହତ ହୋଇନଥିବା ସୂଚନା ମିଳିଛି । କିନ୍ତୁ ବାସଗୃହ ହରାଇ ପରିବାର ଲୋକେ ଖୋଲା ଆକାଶ ତଳେ ରହୁଛନ୍ତି । ବର୍ଷା ଲାଗି ରହିଥିବାରୁ ପରିବାର ଲୋକଙ୍କ ଦୁର୍ଦ୍ଦଶାର ଅନ୍ତ ନାହିଁ । ଅନ୍ୟପକ୍ଷରେ ଭଂଗା ଘରର ମାଟିଘରେ ତାଙ୍କର ବହୁ ଆସବାପତ୍ର ନଷ୍ଟା ହୋଇଥିବା କୁହଯାଇଛି । ଅନ୍ୟପକ୍ଷରେ ସ୍ଥାନୀୟ ଆର୍ଆଇଙ୍କୁ ଜଣାଇ ଦିଆଯାଇଥିଲେ ମଧ୍ୟ କୌଣସି ସହାୟତା କିମ୍ବା ପଲିଥିନ ମିଳିନଥିବା ଜଣାଯାଇଛି । ସରକାରଙ୍କ ନିୟମ ଅନୁଯାୟୀ ଦୈବିଦୁର୍ବିପାକରେ ତାଙ୍କୁ ଆବାସ ଯୋଜନାରେ ସାମିଲ କରିବାକୁ ଗ୍ରାମବାସୀମାନେ ଦାବୀ ଜଣାଇଛନ୍ତି ।
ରିପୋର୍ଟ : ଭୂପତି କୁମାର ପରିଡା