ଫୁଲବାଣୀ (ସମୃଦ୍ଧ ଓଡିଶା) ଫୁଲବାଣୀ ପୋଲିସ ଏନକାଉଣ୍ଟରରେ ଗଞ୍ଜେଇ ମାଫିଆ ମୁନା ଦିଗାଲ ଗୁରୁତର । ମୁନା ଦିଗାଲର ହାତ ଓ ଗୋଡ଼ରେ ଗୁଳି ବାଜିଥିବାରୁ ତାଙ୍କୁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଆହତ ମୁନା ଦିଗାଲ ନାମରେ ଜିଲ୍ଲା ବିଭନ୍ନ ଥାନା ଅଞ୍ଚଳରେ ବହୁ ମାମଲା ରହିଥିବା ଫୁଲବାଣୀ ପୋଲିସର ସୂଚନା । ମିଳିଥିବା ସୂଚନା ଅନୁଯାୟୀ, ଗଞ୍ଜେଇ କାରବାର କରୁଥିବା ମୁନା ଦିଗାଲର ଅଡ୍ଡା ଉପରେ ଚଢ଼ାଉ କରୁଥିବା ଗୋଛାପଡ଼ା ଥାନା ଅଧିକାରୀ ମୃତ୍ୟୁଞ୍ଜୟ ପ୍ରଧାନଙ୍କୁ ଗତ ଶୁକ୍ରବାର ସନ୍ଧ୍ୟା ପ୍ରାୟ ସାଢ଼େ ୭ଟା ବେଳେ ପ୍ରତିଶୋଧପରାୟଣ ହୋଇ ମୁନା ଦିଗାଲ ଆକ୍ରମଣ କରିଥିଲା । ଶ୍ରୀ ପଧାନ ଫୁଲବାଣୀ ଅନନ୍ଦବଜାର ଏକ ଏଟିଏମକୁ ଟଙ୍କା ଉଠାଇବାକୁ ଯାଉଥିବା ବେଳେ ଅନ୍ଧାରର ସୁଯୋଗ ନେଇ ମୁନା ଦିଗାଲ ତାଙ୍କ ବେକକୁ ଭୁଜାଲିରେ ଆକ୍ରମଣ କରିଥିଲ। । ଆହତ ପୋଲିସ ଶ୍ରୀ ପ୍ରଧାନଙ୍କୁ ଆକ୍ରମଣ କରିଥିବା ମୁନା ଦିଗାଲକୁୁ ଧରିବା ପାଇଁ ଫୁଲବାଣୀ ପୁଲିସ ଲାଗିପଡ଼ିଥିଲା । ଆଜି ଭୋର ସକାଳୁ ମୁନା ଦିଗାଲ ପୁଲବାଣୀର ନାରାୟଣୀ ପାହାଡ଼ ନିକଟରେ ତାର କେତେକ ସମର୍ଥକଙ୍କ ସହିତ ଥିବା ସୂଚନା ପାଇ ପୋଲିସ ସେଠାକୁ ଚଢ଼ାଉ କରିବାକୁ ଯାଇଥିବା ବେଳେ ମୁନା ଦିଗାଲ ପୁଲିସ ଉପରକୁ ୨ ରାଉଣ୍ଡ ଗୁଳି ଚଳାଇ ଖସିଯିବାକୁ ଉଦ୍ୟମ କରିଥିଲା । ଜବାବରେ ପୁଲିସ ପାଲଟା ଗୁଳି ଚଳାଇବାରୁ ମୁନା ଦିଗାଲ ବାମ ହାତ ଓ ଡାହାଣ ଗୋଡ଼ରେ ଗୁଳି ବାଜିଥିଲା । ଗୁରୁତର ଅବସ୍ଥାରେ ମୁନା ଦିଗାଲକୁ ପୋଲିସ ଫୁଲବାଣୀ ଡାକ୍ତରଖାନାରେ ଭର୍ତ୍ତି କରିଛି ।
ରିପୋର୍ଟ:ନିମାଇଁ ଚରଣ ପଣ୍ଡା