ଛତ୍ରପୁର-ଛତ୍ରପୁର ଥାନା ବଡ଼ମାଧପୁର ଗ୍ରାମରେ ଘଟିଥିବା ଏକ ବଧୂହତ୍ୟା ମାମଲାରେ ଛତ୍ରପୁର ପୋଲିସ ସୋମବାରଦିନ ସ୍ୱାମୀ ଓ ଶ୍ବଶୂରକୁ ଗିରଫ କରିଛି । ମୃତବଧୂ ମିନତୀ ପରିଡାଙ୍କ ସ୍ୱାମୀଙ୍କ ନାଁ ଅଜୟ ପରିଡା ଓ ଶ୍ୱଶୁରଙ୍କ ନାଁ ବିଜୟ ପରିଡା ଉଭୟ ଗିରଫ ହୋଇଛନ୍ତି । ଥାନା ଅଧିକାରୀ ପ୍ରିୟ ରଞ୍ଜନ ଛୋଟରାୟ କହିଛନ୍ତି ଯେ ଯୌତୁକ ଜନିତ ଦାବିରେ ଗତ 5ତାରିଖ ଦିନ ରାତିରେ ଏ ଦୁହେଁ ମିନତୀକୁ ହତ୍ୟା କରିଥିବା ଅଭିଯୋଗ ହୋଇଛି । ମିନତୀର ଭଉଣୀ ଟିକିନା ଦଳେଇ ଭଉଣୀକୁ ମାରିଦେଇଥିବା ଅଭିଯୋଗ କରି ଥାନାରେ ଏତଲା ଦେଇଥିଲେ । ଟିକିନା ଲେଖିଛନ୍ତିଯେ ବିବାହ ପରଠାରୁ ମାନସିକ ଯନ୍ତ୍ରଣା ଓ ଶାରୀରିକ ଯନ୍ତ୍ରଣା ଶ୍ୱଶୁରଘର ଲୋକ ଦେଇ ଆସୁଥିଲେ । ମିନତୀ 2017 ଫେବୃଆରୀ 16 ତାରିଖରେ ଅଜୟ ପରିଡାଙ୍କୁ ବିବାହ କରିଥିଲେ । ଏତଲା ପ୍ରକାରେ ପୋଲିସ ତଦନ୍ତକାରୀ ବାପା ପୁଅଙ୍କୁ ଗିରଫ କରିଛି ।