ଜଳେଶ୍ୱର (ସମୃଦ୍ଧ ଓଡିଶା) ଆଜି ସକାଳେ ଏକ ମର୍ମନ୍ତୁଦ ସଡକ ଦୁର୍ଘଟଣା ଜଳେଶ୍ୱର-ଚନ୍ଦନେଶ୍ୱର ୫୭ତମ ରାଜ୍ୟ ରାଜପଥର ସୁଧାଂସୁରୋଡ ନିକଟରେ ଘଟିଯାଇଛି । ଘଟଣାରୁ ପ୍ରକାଶ ଜଳେଶ୍ୱର ବ୍ଲକର ଗୋପିମୋନପୁର ପଂଚାୟତର ଛମୌଜ ଗ୍ରାମନିବାସୀ ଚନ୍ଦନ କୁମାର ଦତ୍ତ (୨୫) ଏକ ମଟର ସାଇକେଲ ଯୋଗେ ଚନ୍ଦନେଶ୍ୱର ଅଭିମୁଖେ ଯିବା ସମୟରେ ହଠାତ୍ ରାସ୍ତା ଉପରକୁ ଜଣେ ମାନସିକ ବିକ୍ରୁତ ବ୍ୟକ୍ତି ସମନାକୁ ଚାଲି ଆସିବାରୁ ତାଙ୍କୁ ରକ୍ଷା କରିବା ପାଇଁ ଭାରସାମ୍ୟ ହରାଇ ରାସ୍ତାକଡକୁ ପଡି ଯାଇଥିଲେ । ଫଳରେ ଉକ୍ତ ବାଇକରେ ବସିଥିବା ଅଭିଜିତ୍ ପରିଡା (୮), କାର୍ତ୍ତିକ ପରିଡା(୨୮) ମଧ୍ୟ ଦୁର୍ଘଟଣାର ସମ୍ମୁଖୀନ ହୋଇଥିଲେ । ସେମାନଙ୍କୁ ଗୁରୁତର ଅବସ୍ଥାରେ ପ୍ରଥମେ ଜିକେଭଟ୍ଟର ହସ୍ପିଟାଲରେ ଚିକିତ୍ସିତ କରିବା ପରେ ବାଲେଶ୍ୱରସ୍ଥିତ ମୁଖ୍ୟ ଡାକ୍ତରଖାନାକୁ ପଠାଇ ନିଆଯାଇଛି ।
ରିପୋର୍ଟ : ଭୂପତି କୁମାର ପରିଡା