ବ୍ରହ୍ମପୁର (ସମୃଦ୍ଧ ଓଡିଶା) ଆଜିକା ଦିନରେ ନିଜ ବାପାଙ୍କୁ ଘରୁ ବାହାର କରିଦେଉଥିବା ଦେଖିବାକୁ ମିଳୁଥିବା ବେଳେ ଆଜି ଏକ ନିଆରା ଦୃଶ୍ୟ ଦେଖିବାକୁ ମିଳିଛି ଯାହାକି ନିଜ ବାପାଙ୍କ ସ୍ମୁତି ଚାରଣରେ ପୁଅମାନେ ନିଜ ଅଞ୍ଚଳର ସ୍କୁଲର ଉନ୍ନତି କରଣ ଲାଗି ପ୍ରଦାନ କଲେ ୭ ଲକ୍ଷ ଟଙ୍କା l ଏହା ସହିତ ଆୟୋଜନ କଲେ ରକ୍ତଦାନ ଶିବିର ଏବଂ ଉନ୍ମୋଚନ କଲେ ନିଜ ବାପାଙ୍କ ପ୍ରତିମୂର୍ତ୍ତି । ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅଙ୍ଗାରଗାଁ ଗ୍ରାମର ସ୍ବର୍ଗତ କେ. ଭାସ୍କର ପାତ୍ରଙ୍କ ସ୍ମୃତିରେ ଆଜି ତାଙ୍କ ପୁତ୍ର ପ୍ରଦୀପ କୁମାର ପାତ୍ର, ପ୍ରଶାନ୍ତ କୁମାର ପାତ୍ର ଓ ତାଙ୍କ ପରିବାର ବର୍ଗ ପକ୍ଷରୁ ଗ୍ରାମର ଦଣ୍ଡପାଣି ସୁମନ୍ତରାୟ ଉଚ୍ଚ ବିଦ୍ୟାଳୟ ର ଇ-ପାଠାଗାର ନିର୍ମାଣ ସକାଶେ ୭ ଲକ୍ଷ ଟଙ୍କା ପ୍ରଦାନ କରିବା ସହିତ ଚଳିତ ବର୍ଷ ଦଶମ ଶ୍ରେଣୀରେ ଅଞ୍ଚଳରେ ସର୍ବାଧିକ ନମ୍ବର ରଖିଥିବା ଛାତ୍ର ଛାତ୍ରୀ ମାନଙ୍କୁ ସମ୍ବର୍ଦ୍ଧିତ କରିଥିଲେ । ଏଥିସହିତ ତାଳଗାଁ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ଶ୍ରେଣୀରେ ପ୍ରଥମ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀ ମାନଙ୍କୁ ସମ୍ବଦ୍ଧିର୍ତ କରିଥିଲେ । ଏଥିସହିତ ସେହି ବିଦ୍ୟାଳୟର ଉନ୍ନତିକରଣ ନିମନ୍ତେ ୫୦ ହଜାର ଟଙ୍କା ପ୍ରଦାନ କରିଛନ୍ତି । ନିଜ ବାପାଙ୍କ ପ୍ରତିମୂର୍ତ୍ତି ଉନ୍ମୋଚନ କରିବା ସହିତ ଏକ ସ୍ଵେଛାକୃତ ରକ୍ତଦାନ ଶିବିର ଆୟୋଜନ କରିଥିଲେ l ସେହି ଶିବିରରେ ମୋଟ ୧୨୨ ୟୁନିଟ୍ ରକ୍ତ ସଂଗ୍ରହ ହୋଇଥିଲା । ବ୍ରହ୍ମପୁର ରକ୍ତଭଣ୍ଡାରର କର୍ମକର୍ତ୍ତା ମାନେ ରକ୍ତ ସଂଗ୍ରହ କରିଥିଲେ । ଏହି ଅବସରରେ ଅତିଥି ଭାବେ ବେଗୁନିଆପଡା ଗୋଷ୍ଠୀ ଉନ୍ନୟନ ଅଧିକାରୀ ବେଦବର ପ୍ରଧାନ ଅତିରିକ୍ତ ତହସିଲଦାର ଅଶୋକ କୁମାର ତ୍ରିପାଠୀ, ଗୋଷ୍ଠୀ ଶିକ୍ଷା ଅଧିକାରୀ କମଳକାନ୍ତ ସାହୁ, ବ୍ଳକ ଉପାଧ୍ୟକ୍ଷ ଭ୍ରମରବର ଭୂୟାଁ, ରଙ୍ଗନାଥ ସ୍ଵାଇଁ, ପ୍ରଧାନ ଶିକ୍ଷକ ବିପ୍ର ଚରଣ ସାହୁ, ବିଜ୍ଞାନ ଶିକ୍ଷକ ପ୍ରସନ୍ନ କୁମାର ନାୟକ, ବରିଷ୍ଠ ଆଇନଜୀବୀ ଚକ୍ରପାଣି ସ୍ଵାଇଁ, ଖଲ୍ଲିକୋଟ ବ୍ଲକ ଅଧ୍ୟକ୍ଷାଙ୍କ ପ୍ରତିନିଧି ରତ୍ନାକର ସାହୁ, ସମାଜସେବୀ ବସନ୍ତ କୁମାର ବାରିକ, ମହିନ୍ଦ୍ର କୁମାର ଗୌଡ଼, ଦୀପ୍ତିପ୍ରକାଶ ନାୟକ, ସାଂସଦ ପ୍ରତିନିଧି ଦିନେଶ କୁମାର ମହାରଣା, ନାରାୟଣ ସୁମନ୍ତରାୟ, ଶରତଚନ୍ଦ୍ର ପାଣ୍ଡି, ସମିତି ସଭ୍ୟ ବିନାୟକ ନାୟକ, ପ୍ରଦୀପ କୁମାର ପଲେଇ, ଦେବରାଜ ସ୍ଵାଇଁ, କିଷ୍ଣା ପାତ୍ର, ରାଧାକୃଷ୍ଣ ପଣ୍ଡା, ଦେବରାଜ ଭୂୟାଁ, ଶିକ୍ଷକ ଗୌରହରି ପଲେଇ, କୁମ୍ଭାରଗାଁ ପଞ୍ଚାୟତ ସରପଞ୍ଚ ସତୀଶ ରଞ୍ଜନ ତାରେଣୀ, ପୂର୍ଣ୍ଣ ଚନ୍ଦ୍ର ଗୌଡ଼, ପୂର୍ବତନ ସରପଞ୍ଚ ସତ୍ୟନାରାୟଣ ସାହୁ, ବୈକୁଣ୍ଠନାଥ ସାହୁ, ରବିନ୍ଦ୍ର କୁମାର ସ୍ଵାଇଁଙ୍କ ସମେତ ବହୁ ପଦାଧିକାରୀ ଏବଂ ଅଞ୍ଚଳବାସୀ ଉପସ୍ଥିତ ରହିଥିବା ବେଳେ ପାତ୍ର ପରିବାରର ଏହି ନିଆରା ମହତ କାର୍ଯ୍ୟକୁ ଅଞ୍ଚଳବାସୀ ପ୍ରଶଂସା କରିଛନ୍ତି l
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା