ଭୁବନେଶ୍ୱର (ସମୃଦ୍ଧ ଓଡିଶା) ଗତ ସନ୍ଧ୍ୟାରେ ଭୁବନେଶ୍ୱର ଇନ୍ଫୋସିଟି ଥାନା ଅଞ୍ଚଳରେ ବିଦ୍ୟୁତ ଟ୍ରାନ୍ସଫରମର୍ ଫାଟି ୨ ଜଣ ଗୁରୁତର ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି। ସାଇବର ସିଟି ନିକଟରେ ଗତ ସନ୍ଧ୍ୟାରେ ଏକ ଟ୍ରାନ୍ସଫରମର୍ ଚାର୍ଜ ଦିଆଯାଇଥିଲା । ୨ ବାଇକ ଆରୋହୀ ଶୁଭାଶିଷ ସାହୁ ଏବଂ ଅଜୟ ନାୟକ ସେହି ରାସ୍ତାରେ ଯାଉଥିବାବେଳେ ହଠାତ ଟ୍ରାନ୍ସଫରମର୍ଟି ଫାଟିଥିଲା । ବିସ୍ଫୋରଣର ମାତ୍ରା ଏତେ ଅଧିକ ଥିଲା ଯେ, ଶୁଭାଶିଷ ଓ ଅଜୟଙ୍କ ଅଧା ଶରୀର ଜଳି ଯାଇଛି । ପିସିଆର ଭ୍ୟାନ୍ ଦୁହିଁଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲା । ଦୁହିଁଙ୍କ ପାଖରେ ଚିକିତ୍ସା ଲାଗି ଅର୍ଥ ନଥିବାରୁ ସରକାରୀୟ ସହାୟତା ପାଇଁ ସେମାନେ ଦାବି କରିଛନ୍ତି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା