ଜଳେଶ୍ୱର (ସମୃଦ୍ଧ ଓଡିଶା) ଆଜି ପୂର୍ବାହ୍ନ ୯.୪୫ରେ ବାଳେଶ୍ୱର ସଦର ବିଧାୟକ ତଥା ଭାଜପାର ପୂର୍ବତନ ଜିଲା ସଭାପତି ଏବଂ ଦଳର ଜଣେ ଦକ୍ଷ ସଂଗଠନ କଦନମୋହନ ଦତ୍ତ (ମଙ୍ଗୁଭାଇ)ଙ୍କର ଚିକିତ୍ସାଧିନ ଅବସ୍ଥାରେ ପରଲୋକ ହୋଇଛି । ପଞ୍ଚାୟତ ସ୍ତରରୁ ରାଜନିତୀ ଜୀବନ ଆରମ୍ଭ କରି ରେମୁଣା ପଂଚାୟତ ସମିତି ଚେୟାରମ୍ୟାନ, ଜିଲାପରିଷଦର ଭାଇସ୍ ଚେୟାରମ୍ୟାନ ପଦବୀର ଅବସ୍ଥାପିତ ହୋଇ ଏକ ସମ୍ବେଦନଶୀଳ ବାହେଳଶ୍ୱର ଜିଲାର ବିଜେପି ସଭାପତି ଓ ପରେ ବିଧାୟକ ଭାବେ ସେ ନିଜକୁ ସୁପ୍ରତିଷ୍ଠିତ କରାଇ ପରିଥିଲେ । ତାଙ୍କର ଅବର୍ତ୍ତମାନରେ ଜଳେଶ୍ୱର ନିର୍ବାଚନ ମଣ୍ଡଳୀର ଭାଜପା କର୍ମୀବୃନ୍ଦ ଅମର ଆତ୍ମାର ସଦ୍ଗତି ନିମନ୍ତେ କାମନା କରିଛନ୍ତି । ବିଜେପିର ଛାମୁଆ ନେତା ଶାନ୍ତନୁ ପଟ୍ଟନାୟକ, ଫାଲ୍ଗୁନୀ ପାଣିଗ୍ରାହୀ, ଅନନ୍ତ କୁମାର ଦାସ, ପ୍ରଣବ ପଣ୍ଡା, ତପନ ବିଶ୍ୱାଳ, ପ୍ରତାପ ସେନାପତି, ମନୋଜ ସାସମଲ, ପ୍ରକାଶ ମହାନ୍ତି, ସୁବ୍ରତ କୁମାର ଘୋଷ, ସୁଖପଦ ସାମଲ, ରବିନ୍ଦ୍ର ପାତ୍ର, ଅଞ୍ଜନ କୁମାର ଦାସ, ନନ୍ଦନ କୁମାର ଦତ୍ତ ଓ ଅନ୍ୟ ବହୁ ବିଜେପି ସଦସ୍ୟ ବୃନ୍ଦ ଶୋକ ବ୍ୟକ୍ତ କରି ଶ୍ରଦ୍ଧା ସୁମନ ଜ୍ଞାପନ କରି ତାଙ୍କ ପରିବାରବର୍ଗଙ୍କୁ ସମବେଦନା ଜ୍ଞାପନ କରିଛନ୍ତି । ସେହିପରି ପୂର୍ବତନ ମନ୍ତ୍ରୀ ତଥା ଗତ ନିର୍ବାଚନରେ ବିଜେପିର ବିଧାନସଭା ପ୍ରାର୍ଥୀ ଏବଂ ରାଜ୍ୟ ପରିଷଦର ନିମନ୍ତ୍ରୀତ ସ୍ଥାୟୀ ସଦସ୍ୟ ରଘୁନାଥ ମହାନ୍ତି ମଦନ ମୋହନ ଦତ୍ତଙ୍କ ବିୟୋଗରେ ଶୋକବ୍ୟକ୍ତ କରିବା ସହିତ ବାଲେଶ୍ବର ଜିଲାର ଜଣେ ସଂଗଠକ, ସୁଖଦୁଃଖର ସାଥି ଲଢୁଆ ବିଧାୟକଙ୍କ ପରଲୋକରେ ବହୁ ଅପୂରଣୀୟ କ୍ଷତି ହେଲା ବୋଲି କହିଛନ୍ତି ।
ରିପୋର୍ଟ : ଭୂପତି କୁମାର ପରିଡା