ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ଥାନା ଅନ୍ତର୍ଗତ ପାଇକସିଦା ଗ୍ରାମର ବିଶିଷ୍ଟ ଧର୍ମପରାୟଣ ଓ ସମାଜସେବୀ ଝାଡେଶ୍ୱର ସାହୁଙ୍କ (୭୨) ଭୁବନେଶ୍ୱର ସ୍ଥିତ କେୟାର ହସ୍ପିଟାଲରେ ପରଲୋକ ହୋଇ ଯାଇଛି । ଗତ ୨ ମାସ ପୂର୍ବରୁ ସେ ରାସ୍ତା ଦୁର୍ଘଟଣାରେ ଗୁରୁତର ଆହତ ହୋଇ ପ୍ରଥମେ ଜିକେଭଟ୍ଟର ଓ ପରେ ବାଲେଶ୍ୱର ମୁଖ୍ୟ ଡାକ୍ତରଖାନା ଓ ପରେ କଟକ ସାଇଭିଜନ୍ ହସ୍ପିଟାଲରେ ଚିକିତ୍ସିତ ହେଉଥିଲେ । ମାତ୍ର ସେଠାରେ ତାଙ୍କର ଅବସ୍ଥାର ପରିବର୍ତ୍ତନ ନ ହେବାରୁ ଶେଷରେ ଭୁବନେଶ୍ୱରଠାରେ ଚିକିତ୍ସିତ ହେଉଥିବା ବେଳେ ତାଙ୍କର ସେଠାରେ ପ୍ରାଣବାୟୁ ଉଡିଯାଇଥିଲା । ସ୍ୱର୍ଗତ ସାହୁ ଜଣେ ଭଗବତ ପ୍ରେମୀ ହୋଇଥିବାରୁ ସେ ଆଖାପାଖ ଚୋରମରା, ଡିଙ୍ଗାଶୋଳ ପ୍ରଭୃତି ଗାଁରେ ଥିବା ଭାଗବତ ଟୁଙ୍ଗି ପ୍ରବଚ ଦେଉଥିଲେ । ତାଙ୍କ ମୃତ୍ୟରେ ବିଭିନ୍ନ ଅଂଚଳରେ ଶୋକର ଛାୟା ଖେଳି ଯାଇଛି ।
ରିପୋର୍ଟ : ଭୂପତି କୁମାର ପରିଡା