ଲଣ୍ଡନ୍ (ସମୃଦ୍ଧ ଓଡିଶା) ବିଶ୍ୱକପ୍ ପାଇଁ ଆରମ୍ଭ ହେଉଥିବା ଅଭ୍ୟାସ୍ ମ୍ୟାଚ୍ ପୂର୍ବରୁ ଭାରତ ପାଇଁ ଏକ ଅଶୁଭ ଖବର ଆସିଛି । ଦଳର ଷ୍ଟାର ଅଲରାଉଣ୍ଡର ବିଜୟ ଶଙ୍କର ଗତକାଲି ନେଟ୍ସରେ ଅଭ୍ୟାସ କରୁଥିବା ବେଳେ ଗୁରୁତର ଆହତ ହୋଇଛନ୍ତି । ତେଣୁ ଆଜି ନ୍ୟୁଜିଲ୍ୟାଣ୍ଡ ବିପକ୍ଷ ଅଭ୍ୟାସ୍ ମ୍ୟାଚ୍ରେ ବିଜୟ ଶଙ୍କର ଖେଳିବାକୁ ଅନ୍ଫିଟ୍ ଘୋଷିତ ହୋଇଛନ୍ତି ।ଗତକାଲି ଟିମ୍ ଇଣ୍ଡିଆର ସଦସ୍ୟମାନେ ନେଟ୍ସରେ ଅଭ୍ୟାସ୍ କରୁଥିଲେ । ଏହି ସମୟରେ ଦଳ ସହ ଥିବା ଖଲୀଲ ଅହମ୍ମଦଙ୍କ ଏକ ବଲ୍କୁ ବିଜୟ ଶଙ୍କର ପୁଲ୍ କରିବାକୁ ଚେଷ୍ଟା କରୁଥିଲେ । କିନ୍ତୁ ବଲ୍ଟି ସିଧା ତାଙ୍କ ଡାହାଣ କାନ୍ଧରେ ବାଜିଥିଲା । ଏହି ଘଟଣା ପରେ ବିଜୟ ଶଙ୍କର ତୁରନ୍ତ ପଡ଼ିଆ ବାହାରକୁ ଚାଲି ଯାଇଥିଲେ ଓ ତାଙ୍କୁ ତୁରନ୍ତ ହସ୍ପିଟାଲ୍ ନିଆଯାଇଥିଲା । ତେବେ ସେ କେତେଦୂର ସୁସ୍ଥ ଅଛନ୍ତି, ତାହା ଜଣାପଡ଼ିନାହିଁ । ଭାରତୀୟ ବିଶ୍ୱକପ୍ ସ୍କ୍ୱାଡ୍ରେ ବିଜୟ ଶଙ୍କରଙ୍କୁ ଅମ୍ବାତି ରାୟୁଡୁଙ୍କ ବଦଳରେ ସ୍ଥାନ ଦିଆଯାଇଛି । ୪ ନଂ ସ୍ଥାନରେ ସେ ବ୍ୟାଟିଂ କରିବେ ବୋଲି କୁହାଯାଉଛି। ଏପରି ସ୍ଥଳରେ ବିଶ୍ୱକପ୍ ପୂର୍ବରୁ ସେ ଆହତ ହେବା ଘଟଣା ଦଳର ଚିନ୍ତା ବଢ଼ାଇ ଦେଇଛି । ପିଟିଆଇ
