ମୋହନା (ସମୃଦ୍ଧ ଓଡିଶା) ଗଜପତି ଜିଲ୍ଲା ମୋହନା ଥାନା ପୋଲିସ ସ୍ଥାନୀୟ ଲୁଡ଼ୁରୁ ଛକ ନିକଟରେ ପ୍ୟାଟ୍ରୋଲିଂ କରିବା ବେଳେ ଏକ ବୋଲୋରା(WB-37-D-4700)ରୁ ଗଞ୍ଜେଇ ଜବତ କରିଥିବା ସୂଚନା ମିଳିଛି । ଜବତ ଗଞ୍ଜେଇର ପରିମାଣ ୪ କ୍ୱିଣ୍ଟାଲ ୪ ଶହ ୬୮ କେଜି ୫୦୦ ଗ୍ରାମ ବୋଲି ଜଣାଯାଇଛି । ୧୪ଟି ବସ୍ତାରେ ଏହି ଗଞ୍ଜେଇ ରାୟଗଡ଼ାରୁ ପଶ୍ଚିମବଙ୍ଗ ଚାଲାଣ ହେଉଥିଲା । ଗଞ୍ଜେଇ ଚାଲାଣ ଅଭିଯୋଗରେ ପୋଲିସ ପଶ୍ଚିମବଙ୍ଗ ବର୍ଦ୍ଧମାନ ଜିଲ୍ଲା ଆସାନସୋଲ ଅଞ୍ଚଳର ଗୌତମ ଲୋ ଓ ତପନ ରାୟଙ୍କୁ ଗିରଫ କରିଥିବା ଜଣାପଡିଛି । ତେବେ ସଟଡାଉନ ବେଳେ କିଭଳି ଏହି ଗଞ୍ଜେଇ ଚାଲାଣ ହେଉଥିଲା ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଏହି ଚଢ଼ାଉରେ ମୋହନା ତହସିଲଦାର କଲ୍ୟାଣୀ ସଂଘମିତ୍ରା ଦେବୀ ମାଜିଷ୍ଟ୍ରେଟ ଦାୟିତ୍ୱରେ ଥିବାବେଳେ ପୋଲିସ ଗିରଫ ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରିଥିବା ଥାନା ଅଧିକାରୀ ସୁଜିତ ନାୟକ ସୂଚନା ଦେଇଛନ୍ତି । ଗଞ୍ଜେଇ ବେପାରି ମାନଙ୍କ ପାଦୁର୍ଭାବ ବଢୁଥିବାରୁ ପୋଲିସ ପକ୍ଷରୁ ଘନ ଘନ ଚଢ଼ାଉ ଜାରି ରହିଛି ।
ରିପୋର୍ଟ : ଆଦିତ୍ୟ ପଟ୍ଟନାୟକ