ବ୍ରହ୍ମପୁର (ସମୃଦ୍ଧ ଓଡିଶା) ବ୍ରହ୍ମପୁର ଲାଂଜିପଲ୍ଲୀ ସିଙ୍ଗିବନ୍ଧ ହୁଡ଼ା ଉପରେ ପୂର୍ବତନ ଉପନଗରପାଳଙ୍କ ପଟ୍ଟାଜମିକୁ ମିଶାଇ ଏକ ସୁଲଭ ଶୌଚାଳୟ ନିର୍ମାଣ ଚାଲିଥିବାରୁ ଏହାକୁ ବନ୍ଦ କରିବାପାଇଁ ତୀବ୍ର ବିରୋଧାଭାସ ଲାଗିରହିଛି । ପୂର୍ବତନ ଉପନଗରପାଳ ଭଗବାନ ଗନ୍ତାୟତଙ୍କ ଜମି ଉପରେ ଏହି ନିର୍ମାଣ କାର୍ଯ୍ୟ ହେଉ ଥିବା ନେଇ ସେ ଏହାର ପ୍ରତିବାଦ କରି ତାକୁ ହଟାଇବା ପାଇଁ ପୌର ନିଗମକୁ ଜଣାଇଛନ୍ତି । ପୌର ନିଗମ କେବେ ହେଲେ ଏନକ୍ଲୋଜ କରେ ନାହିଁ । ବରଂ ଏନକ୍ଲୋଜକୁ ଜନସାଧାରଣଙ୍କର ସୁବିଧା ପାଇଁ ହଟାଏ । ପୌର ନିଗମର କୌଣସି ବୋର୍ଡ ନାହିଁ । କେତେ ଏସ୍ଟିମେଟ, ପ୍ରକଳ୍ପ କଣ ଶୁଣିଲା ପରେ ସେ ମହାନଗର ନିଗମ କମିଶନରଙ୍କୁ ଲିଖିତ ଭାବେ ଜଣାଇଲେ । ମହାନଗର ନିଗମର ଏନଫୋର୍ସମେଣ୍ଟ ଅଫିସର ତାଙ୍କର ଅନ୍ୟାନ୍ୟ କର୍ମଚାରୀଙ୍କ ସହ ସେହି ଜାଗାରେ ପହଞ୍ଚି ଏହା ହେଉଛି ପୌର ନିଗମର ଜାଗା , ଆମେ ତାହା କରିପାରିବୁ ବୋଲି ସୂଚନା ଦେଲେ । ଏଥିରେ ଉତକ୍ଷିପ୍ତ ହୋଇ ସ୍ଥାନୀୟ କିଛି ଲୋକଙ୍କ ସହ ଗନ୍ତାୟତ ଜଣାଇଛନ୍ତି ଯେ ନିଗମର କେଉଁଠି ହେଲେ ନିଜର ଜାଗା ନଥାଏ । ନିଗମ ଜନସାଧାରଣଙ୍କର ଏବଂ ରାସ୍ତା ପାଇଁ ଉଭୟ ପକ୍ଷ ଜାଗା ଛାଡ଼ିଥାନ୍ତି । ମହାନଗର ନିଗମ ଜନସାଧାରଣଙ୍କର ସୁବିଧା ପାଇଁ ରାସ୍ତା ନିର୍ମାଣ କରିଥାଏ । ପାନୀୟ ଜଳ, ବିଦ୍ୟୁତ ଇତ୍ୟାଦି ଦେଇଥାଏ । ପୋଖରୀର ଉନ୍ନୟନ ପାଇଁ ହୁଡ଼ାରେ ବୃକ୍ଷରୋପଣ, ଚତୁର୍ଦ୍ଦିଗ ଫେନସିଙ୍ଗ, ଲୋକେ ଯେମିତି ପୋଖରୀରେ ନ ପଡନ୍ତି, ଆଲୋକ ଏବଂ ଜନସାଧାରଣଙ୍କ ପାଇଁ ଶୌଚାଳୟର ସୁବିଧା ପାଇବେ ନିଗମ ତାହା କରିଥାଏ । ସେ ପୁଣି କହିଛନ୍ତି ଯେ ଏହି ସିଙ୍ଗିବନ୍ଧର ଚତୁର୍ଦ୍ଦିଗ ପାଇଁ ରାସ୍ତାର ଏସ୍ଟିମେଟ ହୋଇ ଟେଣ୍ଡର ହୋଇ ସାରିଛି । ଅଧାରାସ୍ତା କଂକ୍ରିଟ ହୋଇ ସାରିଛି । ଗୋଟିଏ ସୁଲଭ ଭଗ୍ନାବସ୍ଥାରେ ରହିଛି । ଗୋଟାଏ ନୂତନ ଶୁଲଭ ଜନସାଧାରଣଙ୍କ ପାଇଁ ଦିଆଯାଇଛି । ଯେଉଁ ରାସ୍ତା ଉପରେ ନିର୍ମାଣ ପାଇଁ ଚେଷ୍ଟା ଚାଲିଛି, ସେହି ଜାଗା ଲୋକଙ୍କ ପାଇଁ ରାସ୍ତା । ଅପର ପଟେ ମୋ ଜାଗା ସାମନାରେ ମୋର ପଟ୍ଟା ଜାଗା ଉପରେ କିପରି ପୌର ନିଗମ ଏହା କରିବ ? ଏନଫୋର୍ସମେଣ୍ଟ ଅଫିସରଙ୍କୁ ମୁଁ ସେୟା ବୁଝାଇଲି ଏବଂ କହିଲି ମୋର ଜମି ସମ୍ବର୍ଦ୍ଧିୟ ସମସ୍ତ ଡକ୍ୟୁମେଣ୍ଟ ମୁଁ କମିଶନରଙ୍କୁ ଦେଉଛି । ଆପଣ ପ୍ରକୃତ ତଥ୍ୟକୁ କମିଶନରଙ୍କୁ ଜଣାନ୍ତୁ । ମୁଁ ପୌର ସଦସ୍ୟ ଭାବେ ୧୯୮୪ ଠାରୁ ୨୦୧୩ ପର୍ଯ୍ୟନ୍ତ ବିଭିନ୍ନ ଜାଗାରୁ ନିର୍ବାଚିତ ହୋଇ ଲୋକଙ୍କୁ ସେବା ଦେବା ସହ ସମସ୍ତ ସୁବିଧା ଦେବାରେ ସବୁବେଳେ କାମ କରି ଆସିଛି । କମିଶନରଙ୍କୁ ମୁଁ ଅନୁରୋଧ କରୁଛି, ସେ ତାଙ୍କରି ମୂଲ୍ୟବାନ ସମୟ ଭିତରୁ କିଛି ସମୟ ଦେଇ ଏହା ଅନୁଧ୍ୟାନ କରନ୍ତୁ ଏହା ଯୋଗୁଁ ରାସ୍ତା ବନ୍ଦ ହୋଇଯାଉଛି ।ଏଠାରେ କୌଣସି ସୁଲଭର ଶୌଚାଳୟର ଆବଶ୍ୟକତା ନାହିଁ । ସେ ପାଖରେ ମଧ୍ୟ କୌଣସି ଜନବସତି ନାହିଁ ।ସବୁ ଶିକ୍ଷିତ ଲୋକ ରହିଛନ୍ତି । ସମସ୍ତଙ୍କର ଟଏଲେଟ ସୁବିଧା ନିଜର ରହିଛି ।ତେଣୁ ଏହାକୁ ତୁରନ୍ତ ବନ୍ଦ କରାଯାଉ ବୋଲି ଭଗବାନ ଗନ୍ତାୟତ ଓ ତାଙ୍କ ସମର୍ଥକ ମାନେ ଜଣାଇଛନ୍ତି ।
ରିପୋର୍ଟ : ସ୍ୱତନ୍ତ୍ର ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା