ପାରଳାଖେମୁଣ୍ଡି (ସମୃଦ୍ଧ ଓଡିଶା) ଗଜପତି ଜିଲ୍ଲା ଆର.ଉଦୟଗିରି ବ୍ଲକର ପି.ଶୈଳଙ୍ଗ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଦୃପଦ ରଇତ ଗତକଲି ହୃଦଘାତରେ ମୃତ୍ୟୁବରଣ କରିଥିବା ଖବର ପାଇ ଶିକ୍ଷକ ସମାଜରେ ଶୋକର ଛାୟା ଖେଲିଯାଇଛି । ସେ ଜଣେ ଆଦର୍ଶ କର୍ମଠ ନିଷ୍ଠାପର ସମୟାନୁବର୍ତ୍ତିତା ପ୍ରଧାନ ଶିକ୍ଷକ ରୂପେ ବ୍ଲକରେ ବେଶ ପରିଚିତ ଥିଲେ । ସେ ଆର.ଉଦୟଗିରି ଅତର ସିଂ ଛକ ନିକଟରେ ଥିବା ଶାନ୍ତି ନଗରରେ ରହୁଥିଲେ । ଗତକାଲି ସନ୍ଧ୍ୟାରେ ନିକଟସ୍ଥ ଖେଳ ପଡିଆରେ ଭଲିବଲ ଖେଳୁଥିବା ବେଳେ ହଠାତ ତଳେ ପଡିଗଲେ । ତାଙ୍କ ସାଙ୍ଗମାନେ ନିକଟସ୍ଥ ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରକୁ ନେଲେ । ଡାକ୍ତର ନିରଞ୍ଜନ ପୃଥଲ ତାଙ୍କୁ ମୃତ୍ୟୁ ଘୋଷଣା କଲେ । ହୃଦଘାତ ଜନିତ ମୃତ୍ୟୁ ହୋଇଥିବା ଡାକ୍ତର କହିଲେ । ବିଇଓ ବିଶ୍ଵନାଥ ଭୂୟାଁଙ୍କ ସମେତ ବହୁ ବରିଷ୍ଠ ଶିକ୍ଷକ ମେଡିକାଲରେ ପହଞ୍ଚିଥିଲେ । ଏହି ଆଦର୍ଶ ଶିକ୍ଷକଙ୍କ ଅକାଳ ବିୟୋଗ ଖବର ଶିକ୍ଷକ ସମାଜକୁ ଶୋକ।ଭିଭୂତ କରିଦେଇଛି । ତାଙ୍କର ଆମର ଆତ୍ମାର ସଦାଗତି କାମନା କର। ଯାଇଛି ।
ରିପୋର୍ଟ : କୃଷ୍ଣ ବେହେରା