ବ୍ରହ୍ମପୁର (ସମୃଦ୍ଧ ଓଡିଶା) ଭାରତୀୟ ଡାକ ବିଭାଗ ପକ୍ଷରୁ ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ସର୍ବ ଭାରତୀୟ ଭାରୋତ୍ତୋଲନ, ଶକ୍ତି ଉତ୍ତୋଳନ ଏବଂ ସୁନ୍ଦର ସ୍ୱାସ୍ଥ୍ୟ ପ୍ରତିଯୋଗିତା କାର୍ଯ୍ୟକ୍ରମ ଅନୁଷ୍ଠିତ କରିବାକୁ ଯାଉଛି । ସୂଚନା ଅନୁଯାୟୀ ଭାରତୀୟ ଡାକ ବିଭାଗରେ କାର୍ଯ୍ୟରତ କର୍ମଚାରୀଙ୍କ ଅନ୍ତର୍ନିହିତ ଖେଳକୁଦ ଗୁଣର ପରିପ୍ରକାଶ ଉଦ୍ଧେଶ୍ୟରେ ଏହି ପ୍ରତିଯୋଗିତା ଆସନ୍ତା ୨୬ ଠାରୁ ୨୯ ରିଖ ପର୍ଯ୍ୟନ୍ତ ବ୍ରହ୍ମପୁରରେ ଅନୁଷ୍ଠିତ କରାଯିବ ବୋଲି ଏକ ସାମ୍ବାଦିକ ସମ୍ମିଳନୀରେ ମୁଖ୍ୟ ମହାଡ଼ାକପାଳ ସୂଚନା ପ୍ରଦାନ କରିଛନ୍ତି । ଏଥିରେ ୧୮ରାଜ୍ୟର ପ୍ରାୟ ୧୫୦ ପ୍ରତିଯୋଗୀ ଭାଗ ନେବେ । ସର୍ବ ଭାରତୀୟ ତଥା ରାଜ୍ୟ ସ୍ତରୀୟ ବିଚାରକ ମଣ୍ଡଳୀ ଦ୍ୱାରା ସମସ୍ତ ପ୍ରତିଯୋଗିତା ମୂଲ୍ୟାୟନ କରାଯିବ । ଏହାକୁ ସ୍ମରଣୀୟ କରିବା ପାଇଁ ଏହି ଅବସରରେ ଏକ ସ୍ମାରକୀ ଡାକ ଲଫାପା ଉନ୍ମୋଚନ କରାଯିବାର କାର୍ଯ୍ୟକ୍ରମ ରହିଛି । ଏହାସହ ଆସନ୍ତା ୨୯ ରିଖ ଦିନ ଉଦଯାପନୀ ସଭାରେ ରାଜ୍ୟପାଳ ପ୍ରଫେସର ଗଣେଶୀ ଲାଲ ମୁଖ୍ୟ ଅତିଥି ଭାବେ ଯୋଗ ଦେବାର କାର୍ଯ୍ୟକ୍ରମ ରହିଛି ବୋଲି ସୂଚନା ଦିଆଯାଇଛି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା