ଜଳେଶ୍ୱର (ସମୃଦ୍ଧ ଓଡିଶା) ବାଲେଶ୍ୱର ଜିଲ୍ଲାର ଜଳେଶ୍ୱର ବ୍ଲକ ଅନ୍ତର୍ଗତ ଶାନ୍ତିଆ ଷ୍ଟାଡିୟମରେ ସରସ୍ୱତୀ ଶିଶୁ ବିଦ୍ୟା ମନ୍ଦିର ସମୁହର ଜିଲ୍ଲାସ୍ତରୀୟ କ୍ରିଡା ଉଦଯାପିତ ହୋଇଯାଇଛି । ୨ ଦିନ ବ୍ୟାପି ଅନୁଷ୍ଠିତ ହୋଇଥିବା ଏହି ଦୌଡ-କୁଦ ପ୍ରତିଯୋଗିତାରେ ଜିଲ୍ଲାର ୩୯ଟି ବିଦ୍ୟାଳୟ ଅଂଶ ଗ୍ରହଣ କରି ୨୭୩ଜଣ ପ୍ରତିଯୋଗୀ ଭାଗ ନେଇଥିଲେ । ରବିବାର ଅପରାହ୍ନରେ ଅନୁଷ୍ଠିତ ଉଦଯାପନୀ ଉତ୍ସବରେ ସଂଗଠନର ରାଜ୍ୟ ସଂଯୋଜକ ଗୌରାଙ୍ଗ ବିଶ୍ୱାଳ ସଭାପତିତ୍ୱ କରିଥିବା ବେଳେ ମୁଖ୍ୟ ଅତିଥିଭାବେ ଜଳେଶ୍ୱର ବ୍ଲକ ଶିକ୍ଷା ଅଧିକାରୀ ବିଜୟ କୁମାର ନାଥ ଯୋଗ ଦେଇ ଖେଳରୁ ମେଳି ଏବଂ ଏହା ଭାଇଚାରା ସୃଷ୍ଟି କରିଥାଏ ବୋଲି କହିଥିଲେ । ମୁଖ୍ୟ ଅତିଥି ଭାବେ ଡ. ପ୍ରଫୁଲ୍ଲ କୁମାର ଦେ ଯୋଗ ଦେଇ କୁନି କୁନି ପ୍ରତିଯୋଗୀମାନଙ୍କୁ ଉତ୍ସାହିତ କରିବା ସହିତ ଖେଳରେ ପ୍ରଥମ ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ବିଭିନ୍ନ ବିଭାଗର ପ୍ରତିଯୋଗୀମାନଙ୍କୁ ମେଡେଲ ଓ ପ୍ରମାଣପତ୍ର ପ୍ରଦାନ କରିଥିଲେ । ଶେଷରେ ପ୍ରଫୁଲ୍ଲ କୁମାର ଦେ ଧନ୍ୟବାଦ ଅର୍ପଣ କରିଥିଲେ । ଉକ୍ତ ଖେଳକୁ ଜମାଳପୁର ହାଇସ୍କୁଲର ପି.ଇ.ଟି ଶିବକୃଷ୍ଣ ଦେ ଖେଳପରିଚାଳନା କରିଥିବା ବେଳେ ଆମ୍ବଳିଅଠା ସରସ୍ୱତୀ ଶିଶୁ ବିଦ୍ୟାମନ୍ଦିରର ଗୁରୁଜୀ ଗୁରୁମା ଓ ସମସ୍ତ ବିଦ୍ୟାଳୟର ସମ୍ପାଦକ ମାନେ ସହଯୋଗ କରିଥିଲେ ।
ରିପୋର୍ଟ : ଭୂପତି କୁମାର ପରିଡା