ଢେଙ୍କାନାଳ(ସମୃଦ୍ଧ ଓଡିଶା)ଢେଙ୍କାନାଳ ସଚେତନ ନାଗରିକ ଫୋରମ ର ହିନ୍ଦୋଳ ଶାଖା ସଂଯୋଜକ ମନୋଜ ପାଣିଗ୍ରାହି ଙ୍କ ଅଧ୍ୟକ୍ଷତା ରେ ହିନ୍ଦୋଳ ବ୍ଲକ ସାତମାଇଲ ସ୍ଥିତ ଆଶ୍ରମ ମଠ ଠାରେ ଓଡ଼ିଶା ର ମହାନ ସେବା ପୁରୁଷ ମଧୁସୂଦନ ଦାଶ “ମଧୁ ବାବୁ ” ଙ୍କର ପୁଣ୍ୟ ତିଥି ଅବସରରେ ଏକ ସ୍ମୃତି ସଭା ଅନୁଷ୍ଠିତ ହୋଇ ଯାଇଛି । ଫୋରମର ଜିଲ୍ଲା ସମ୍ପାଦକ ଭରତ କୁମାର ଦାସ ଅତିଥି ଭାବେ ଯୋଗ ଦେଇ ବିଗତ କାର୍ଯ୍ୟାବଳି ଉପରେ ଆଲୋକପାତ କରିଥିବା ବେଳେ ଉପସଭାପତି ପଙ୍କଜ ନାୟକ ମଧୁବାବୁଙ୍କ ସ୍ବପ୍ନର ଓଡ଼ିଶା ସମ୍ପର୍କ ରେ ଆଲୋଚନା କରିଥିଲେ । ଜିଲ୍ଲା ଅନୁସୂଚିତ ଜାତି ଓ ଜନଜାତି ସଂଯୋଜକ କୈଳାସ ନାଏକ ହିନ୍ଦୋଳ ଲୋକ ମାନଙ୍କୁ କିପରି ହିନ ହୋଇ ରହିଛନ୍ତି ଓ ସେମାନଙ୍କୁ ସଙ୍ଗଠିତ କରି ନିଜ ନିଜର ଅଧିକାର ସାବ୍ୟସ୍ତ କରିବା ଉଦେଶ୍ୟ ରେ ବକ୍ତବ୍ୟ ରଖିଥିଲେ । ମନୋରଞ୍ଜନ ପାଳ, ବିଭୁତି ଭୂଷଣ ମାଝୀ, ହିନ୍ଦୋଳ ପୌର ପରିଷଦ ୱାର୍ଡ ନଂ 10 ର କାଉନ୍ସିଲର ଶ୍ୟାମଘନ ଭୂତିଆ, ସନ୍ତୋଷ ମହାପାତ୍ର ପ୍ରମୁଖ ମଧୁବାବୁ ଙ୍କ ସ୍ମୃତି ଚାରଣ କରିଥିବା ବେଳେ ମାୟାଧର ନାଏକ, କାଳନ୍ଦୀ ନାଏକ, ବନୋଜ ନାଏକ ତନ୍ମୟ ପ।ତ୍ର, ଅନିଲ ସାହୁ ପ୍ରମୁଖ ଉପସ୍ଥିତ ଥିଲେ । ସର୍ବଶେଷରେ ଓଡ଼ପଡ଼ା ବ୍ଲକ ଉପ ସଭାପତି ରମେଶ ପଣ୍ଡା ଧନ୍ୟବାଦ ଅର୍ପଣ କରିଥିଲେ।