ଢେଙ୍କାନାଳ (ସମୃଦ୍ଧ ଓଡିଶା) ଢେଙ୍କାନାଳ ସଦର ବ୍ଲକ ଅନ୍ତର୍ଗତ ମଙ୍ଗଳପୁର ଗ୍ରାମର ସତ୍ୟବାଦୀ ସରକାରୀ ଉଚ୍ଚ ବିଦ୍ୟାଳୟରେ ମା ହରଚଣ୍ଡୀ ଯୁବକ ସଂଘ ତରଫରୁ ୨ୟ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରକୁ ଜିଲ୍ଲା ଆଇନ ପ୍ରଦିକରଣ ସଚିବ ଅରୁଣ ପଟ୍ଟନାୟକ, ନ୍ୟୁ ଇଣ୍ଡିଆ ଏଜେନ୍ସିର ଡ଼ାଇରେକ୍ଟର ଶେଷଦେବ ରାଉତ, ଅବସର ପ୍ରାପ୍ତ ପ୍ରଧାନ ଶିକ୍ଷକ ଭଗବାନ ସାହୁ, ବଳରାମ ବରାଳ, ବିରଞ୍ଚିନାରାୟଣ ପାଣି ମୁଖ୍ୟ ଅତିଥି ଭାବେ ଉଦଘାଟନ କରିଥିଲେ ।ରକ୍ତଦାନ ଶିବିର ସକାଳ ୯ ଘଣ୍ଟିକା ସମୟ ଠାରୁ ଅପରାହ୍ନ ୩ ଘଣ୍ଟିକା ପର୍ଯ୍ୟନ୍ତ ହୋଇଥିଲା । ସେଥିରେ ୧୦୦ ଡୋନର ରକ୍ତଦାନ କରିଥିଲେ । ମଙ୍ଗଳପୁର ଗ୍ରାମ ପଞ୍ଚାୟତର ମୁଖ୍ୟ ବ୍ୟକ୍ତିମାନେ ଯୋଗ ଦେଇଥିଲେ । ମା ହରଚଣ୍ଡୀ ଯୁବକ ସଂଘର ସଭାପତି ଅବନୀ ବରାଳ, ଉପସଭାପତି ଦେବୀ ପ୍ରସାଦ ମହାନ୍ତି, ସମ୍ପଦକ ବଦ୍ରୀନାଥ ବରାଳ ରକ୍ତଦାନ ଶିବିରକୁ ସୁଚାରୁ ରୂପେ ପରିଚାଳନା କରିଥିଲେ । ଏହି ରକ୍ତଦାନ ଶିବିରରେ ଜିଲ୍ଲା ରକ୍ତ ଭଣ୍ଡାରର ସମସ୍ତ କର୍ମକର୍ତ୍ତା ସହ ଡାକ୍ତର ବାସୁଦେବ ସାହୁ ଉପସ୍ଥିତ ଅଂଶ ଗ୍ରହଣ କରିଥିଲେ ।
ରିପୋର୍ଟ : ଶୁଭମ କୁମାର ପାଣି