ଭଞ୍ଜନଗର/ଜଗନ୍ନାଥପ୍ରସାଦ (ସମୃଦ୍ଧ ଓଡିଶା) ବିଡ଼ିପୁର ଗ୍ରାମ ନିକଟସ୍ଥ ଏକ ଅଙ୍କାବଙ୍କା ଟନୀଙ୍ଗି ରାସ୍ତାରେ ବିପରୀତ ଦିଗରୁ ଆସୁଥିବା ଦୁଇ ଇଣ୍ଡିଗୋ କାର ମୁହାଁମୁହିଁ ଧକ୍କା ହୋଇଛି । ଫଳରେ ୨ଟି ଯାକ କାର ଦୁର୍ଘଟଣା ଗ୍ରସ୍ତ ହୋଇଥିବା ବେଳେ ଉଭୟ ଗାଡ଼ିରେ ବସିଥିବା ୪ଜଣ ବ୍ୟକ୍ତି ଅଳ୍ପକେ ବର୍ତ୍ତି ଯାଇଛନ୍ତି । ମିଳିଥିବା ସୂଚନା ମୁତାବକ ଗୋଟିଏ କାର ବେଲାଗୁଣ୍ଠା ପଟୁ ଯାଉଥିବା ବେଳେ ଅନ୍ୟ ଏକ କାର ଜଗନ୍ନାଥ ପ୍ରଶାଦ ପଟୁ ଆସୁଥିଲା । ଉଭୟ କାର ବିଡ଼ିପୁର ନିକଟସ୍ଥ ଏକ ଟନୀଙ୍ଗି ରାସ୍ତାରେ ଧକ୍କା ହେବା ଫଳରେ ପ୍ରଚଣ୍ଡ ଶବ୍ଦ ହୋଇଥିଲା । କାରରେ ବସିଥିବା ସମସ୍ତ ବ୍ୟକ୍ତି ସାମାନ୍ୟ ଆହତ ହୋଇଥିବା ବେଳେ ବେଳଗୁଣ୍ଠା ମେଡିକାଲରେ ଚିକିତ୍ସିତ ହୋଇ ଘରକୁ ଫେରିଛନ୍ତି । ଘଟଣା ସ୍ଥଳରେ ଜଗନ୍ନାଥ ପ୍ରଶାଦ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ସୂଚନା ମିଳିଛି ।
ରିପୋର୍ଟ : ନିଲୁ ବିଷୋୟୀ
