ପାରଳାଖେମୁଣ୍ଡି (ସମୃଦ୍ଧ ଓଡିଶା) ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ମୋଟର କର୍ମଚାରୀ ସଂଘ କାର୍ଯ୍ୟାଳୟ ଠାରେ ସିଆଇଟିୟୁ ମୋଟର କର୍ମଚାରୀ ସଂଘ ପକ୍ଷରୁ ଶ୍ରମିକ ଦିବସ ନିରାଡ଼ମ୍ବରରେ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମ ପାରଳା ମୋଟର କର୍ମଚାରୀ ସଂଘର ସଭାପତି ପି. କ୍ରିଷ୍ଣ।ଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । କୋରାନା ସଂକ୍ରମଣକୁ ଆଖି ଆଗରେ ରଖି ସାମାଜିକ ଦୂରତା ରକ୍ଷା କରାଯାଇଥିଲା । ପ୍ରଥମେ ସଂଘର ପତାକା ଉତ୍ତୋଳନ କରିବା ପରେ କରୋନା ସଂକ୍ରମଣରୁ ଶ୍ରମଜୀବୀମାନେ କିପରି ଦୁରେଇ ରହି ସାମାଜିକ ଦୂରତା ରକ୍ଷା କରିବେ ସେ ଦିଗରେ ସଚେତନତା କରାଯାଇଥିଲା । ସମସ୍ତେ ଏହି ଶ୍ରମ ଦିବସରେ କିପରି ଉନ୍ନତି କରିବେ ଓ ସମସ୍ତଙ୍କର ମଙ୍ଗଳ କାମନା କରିଥିଲେ । ଲକଡାଉନ ଯୋଗୁଁ କୌଣସି ଶୋଭାଯାତ୍ରା ଓ ସଭାସମିତି କରାଯାଇ ନ ଥିବା ଜଣାପଡିଛି ।
ରିପୋର୍ଟ : କୃଷ୍ଣ କୁମାର ବେହେରା
