ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବଜାରରେ ପରିବା ବ୍ୟବସାୟ କରି ଆସୁଥିବା ନନ୍ଦିକା ଗ୍ରାମର ଅଭିମନ୍ୟୁ ଭଞ୍ଜଙ୍କ ପୁଅ ଚନ୍ଦନ ଭଞ୍ଜ (୩୪) ଆଜି ଦ୍ୱିପ୍ରହରରେ ରାସ୍ତା ଦୁର୍ଘଟଣାରେ ମୃତ୍ୟୁବରଣ କରିଛନ୍ତି । ପ୍ରତିଦିନ ପରିବା ବ୍ୟବସାୟ କରି ପରିବାର ପ୍ରତିପୋଷଣ କରି ଆସୁଥିଲେ । ତାଙ୍କ ମୃତ୍ୟୁପରେ ପରିବାର ବେ ରୋଜଗାର କ୍ଷମ ହେଲା । ତାଙ୍କର ଜଣେ ୭ବର୍ଷ ପୁଅ ଓ ୫ବର୍ଷର ଝିଅ ଥିବା ବେଳେ ବାଇକ୍ ଯୋଗେ ରାଜଘାଟ ଅଭିମୁଖେ ଯିବାବେଳେ ଅସାବଧାନତା ହେତୁ ବାଇକ୍ ଟି ଏକ ଖାତରେ ପଡି ଯିବାକୁ ଭାରସାମ୍ୟ ହରାଇ ଚନ୍ଦନ ଏକ ବିଦ୍ୟୁତ୍ ଖୁଣ୍ଟରେ ବାଡେଇ ଯାଇଥିଲେ । ଘଟଣା ସ୍ଥଳରେ ରାକ୍ତା ଅବସ୍ଥାରେ ପଡିଥିବା ବେଳେ ସଂପର୍କୀୟମାନେ ତାଙ୍କୁ ଜିକେଭଟ୍ଟର ହସ୍ପିଟାଲକୁ ନିଆଯାଇଥିଲା । ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ । ତାଙ୍କ ମୃତ୍ୟୁରେ ଶୋକର ଛାୟା ଖେଳି ଯାଇଛି ।
ରିପୋର୍ଟ : ଭୂପତି କୁମାର ପରିଡା