ପୋଲସରା (ସମୃଦ୍ଧ ଓଡିଶା) ହାତୀଓଟ, କବିସୂର୍ଯ୍ୟନଗର ଭାୟା କଳମ୍ବ, ଜେ.ଡେଙ୍ଗାପଦର, ମର୍ଦ୍ଦରାଜପୁର ରାସ୍ତାର ଉନ୍ନତି କରଣ ପାଇଁ ଆଜି ଭିତ୍ତିପ୍ରସ୍ତର ସ୍ଥାପନ ହୋଇଯାଇଛି । ଆସିକା ଲୋକସଭା ସଦସ୍ୟା ପ୍ରମିଳା ବିଷୋୟୀ ଓ ପୋଲସରା ବିଧାୟକ ତଥା ଗଞ୍ଜାମ ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ଶ୍ରୀକାନ୍ତ ସାହୁ ଉଭୟ ମିଳିତ ଭାବେ ଭିତ୍ତିପ୍ରସ୍ତର ସ୍ଥାପନ କରିଥିବା ବେଳେ ଗ୍ରାମ୍ୟ ଉନ୍ନୟନ ବିଭାଗ ସହକାରୀ ନିର୍ବାହୀ ଯନ୍ତ୍ରୀ ଇଂ. ଅରବିନ୍ଦ ସ୍ୱାଇଁ ଓ କନିଷ୍ଠ ଯନ୍ତ୍ରୀ ଇଂ.ସଞ୍ଜୟ ଶଙ୍କର ଟୁଡୁ ଉପସ୍ଥିତ ରହିଥିଲେ । ଏହି ୩.୭୦୦ କିମି ରାସ୍ତା ନିର୍ମାଣ ପାଇଁ ୧ କୋଟି ୫୭ ଲକ୍ଷ ଟଙ୍କା ବ୍ୟୟବରାଦ ହୋଇଥିବା ବେଳେ ରାସ୍ତା ନିର୍ମାଣ ପରେ କବିସୂର୍ଯ୍ୟନଗର ଯିବା ପାଇଁ ଦୂରତା ବହୁତ କମ ହୋଇଯିବ । ଏହି କାର୍ଯ୍ୟକ୍ରମରେ ବହୁ ମାନ୍ୟଗଣ୍ୟ ବ୍ୟକ୍ତିଙ୍କ ସମେତ ଅଞ୍ଚଳବାସୀ ଅଂଶ ଗ୍ରହଣ କରିଥିଲେ ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା