ରାୟଗଡ଼ା (ସମୃଦ୍ଧ ଓଡିଶା) ରାୟଗଡ଼ା ଜିଲ୍ଲାପାଳଙ୍କ ଗାଡ଼ି ଦୁର୍ଘଟଣାଗ୍ରସ୍ତ ହୋଇଥିବା ଖବର ମିଳିଛି । ଜିଲ୍ଲାପାଳ ଆଜି ଅପରାହ୍ନରେ ରାୟଗଡ଼ା ବ୍ଳକ୍ର କୂରଲୀ ଗ୍ରାମକୁ ‘ପିଠା’ କାର୍ଯ୍ୟକ୍ରମକୁ ଯାଉଥିବା ବେଳେ ଅପରପକ୍ଷରୁ ଦୃତ ଗତିରେ ଏକ ଟ୍ରକ ଆସି ଜିଲ୍ଲାପାଳଙ୍କ ଗାଡିର ଡ୍ରାଇବର ପାଶ୍ୱର୍ରେ ଧକ୍କା ଦେଇ ଚାଲିଯାଇଥିଲା । କିଛି ଅଘଟଣ ଘଟି ନ ଥିଲେ ସୁଦ୍ଧା ଜିଲ୍ଲାପାଳଙ୍କ ଗାଡି ସାମାନ୍ୟ କ୍ଷତିଗ୍ରସ୍ତ ହୋଇଥିଲା । ରାୟଗଡ଼ା ଜିଲ୍ଲାପାଳ ଗୁହା ପୁନମ୍ ତାପସ କୁମାର ସୌଭାଗ୍ୟ ସେହି ଗାଡ଼ିରେ ବସିଥିଲେ । ଦୁର୍ଘଟଣା ସମ୍ପର୍କରେ ଖବର ପାଇ ଚାନ୍ଦିଲି ପୁଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ଟ୍ରକ୍କୁ ଜବତ କରିଛି ।
ରିପୋର୍ଟ : ତୁଷାର ରଞ୍ଜନ ସାହୁ