ଢେଙ୍କାନାଳ (ସମୃଦ୍ଧ ଓଡିଶା) ଶ୍ରୀ ଶ୍ରୀ ଚନ୍ଦ୍ର ଶେଖର ଜୀଉ ବିଜେ କପିଳାସଙ୍କ ପଦାରବିନ୍ଦରେ ଅବସ୍ଥିତ ଶ୍ରୀ ଶ୍ରୀ ଚନ୍ଦ୍ର ଶେଖର ଜୀଉ ଉଚ୍ଚ ବିଦ୍ୟାଳୟ, ଦେଓଗାଁ ଠାରେ ସମର ଶିକ୍ଷାର୍ଥୀ ବାହିନୀ ଦିବସ ଗତକାଲି ମହା ଆଡମ୍ବରରେ ପାଳିତ ହୋଇଯାଇଛି । ଦେଓଗାଁ ଗ୍ରାମ ପଞ୍ଚାୟତର ସରପଞ୍ଚ ଶ୍ରୀମତୀ ସାଗରୀକା ସାହୁ ମୁଖ୍ୟ ଅତିଥି, ମୋ ସ୍କୁଲ ଅଭିଯାନର ସଭାପତି ସର୍ବେଶ୍ୱର ସାହୁ, ବିଦ୍ୟାଳୟ ପରିଚାଳନା କମିଟିର ସଭାପତି ସୁରେଶ ମହାପାତ୍ର, ଅବସର ପ୍ରାପ୍ତ ସୁନାମ ଧନ୍ୟ ଶିକ୍ଷକ ଶତ୍ରୁଘନ ସାହୁ, ସମ୍ମାନିତ ଅତିଥି ଭାବରେ ଏବଂ ଦେଓଗାଁ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ତଥା ରାଷ୍ଟ୍ରପତି ପୁରସ୍କାର ପ୍ରାପ୍ତ ଶିକ୍ଷକ ହରିହର ସାହୁ ମୁଖ୍ୟ ବକ୍ତା ଭାବରେ ଯୋଗଦାନ କରି ସମର ଶିକ୍ଷାର୍ଥୀ ବାହିନୀର ଦାୟିତ୍ୱ ଓ କର୍ତ୍ତବ୍ୟ ସମ୍ପର୍କରେ ନିଜ ନିଜର ବକ୍ତବ୍ୟ ପ୍ରଦାନ କରିଥିଲେ । ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ରୋଜାଲିନ କର ଅଧ୍ୟକ୍ଷତା କରି ସୁଚାରୁ ରୂପେ ସଭା ପରିଚାଳନା କରିଥିଲେ । ବିଦ୍ୟାଳୟର ବରିଷ୍ଟ ଶିକ୍ଷକ ତଥା ସମର ଶିକ୍ଷାର୍ଥୀ ବାହିନୀର ମଙ୍ଗୁଆଳ ଭୁବନେଶ୍ୱର ରାଉତ ଅତିଥି ମାନଙ୍କର ପରିଚୟ ପ୍ରଦାନ କରିବା ସହିତ ସମର ଶିକ୍ଷାର୍ଥୀ ବାହିନୀ ଦ୍ୱାରା ବିଗତ ଦିନରେ ସମାହିତ ହୋଇଥିବା କାର୍ଯ୍ୟାବଳୀର ଅବତାରଣା କରିଥିଲେ । ବିଦ୍ୟାଳୟର ସହକାରୀ ଶିକ୍ଷକ ପ୍ରହ୍ଲାଦ ମିଶ୍ର ବିବରଣୀ ପାଠ କରିଥିବା ବେଳେ ଶିକ୍ଷକ ବିଦ୍ୟାଧର ପରିଡା ଅତିଥି ମାନଙ୍କୁ ଧନ୍ୟବାଦ ଅର୍ପଣ କରିଥିଲେ । ବିଦ୍ୟାଳୟର ଅନ୍ୟାନ୍ୟ ଶିକ୍ଷୟତ୍ରୀ ଶ୍ରୀମତୀ ସସ୍ମିତା ମାଝୀ, ରାଧା ରାଣୀ ସାହୁ, ଶ୍ରୀମତୀ ସସ୍ମିତା, ଶ୍ରୀମତୀ ଲିନୁ ବେହେରା ଓ ଶ୍ରୀମତୀ ଶୁଭଲକ୍ଷ୍ମୀ ନନ୍ଦ ସାଂସ୍କୃତିକ କାର୍ଯ୍ୟକ୍ରମ ପରିଚାଳନାରେ ସାହାର୍ଯ୍ୟ କରିଥିଲେ ।
ରିପୋର୍ଟ : ଶୁଭମ କୁମାର ପାଣି