ଜଳେଶ୍ୱର (ସମୃଦ୍ଧ ଓଡିଶା) ଉତ୍ତର ବାଲେଶ୍ୱରର ତତ୍କାଳୀନ ଜମିଦାର ପ୍ରିୟ ବକ୍ସିଙ୍କର ଆଜି ୪୯ତମ ଶ୍ରାଦ୍ଧ ବାର୍ଷିକ ପାଳିତ ହୋଇ ଯାଇଛି । ବକ୍ସି ଭବନରେ ପାରିବାରିକ ଶ୍ରାଦ୍ଧ ପାଳିତ ହୋଇଥିବା ବେଳେ ତାଙ୍କ ପ୍ରତିଷ୍ଠିତ ପ୍ରିୟନାଥ ନୋଡାଲ ବିଦ୍ୟାଳୟରେ ସ୍ୱର୍ଗତ ବକ୍ସିଙ୍କର ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଥିଲା । ବିଦ୍ୟାଳୟର ଛାତ୍ରଛାତ୍ରୀ ଏଥିରେ ଭାଗନେଇ ସେଠାରେ ଥିବା ତାଙ୍କ ପ୍ରତିମୂର୍ତ୍ତୀରେ ପୁଷ୍ପମାଲ୍ୟ ପ୍ରଦାନ କରିଥିଲେ । ନିକଟରେ ଥିବା ଠାକୁର ଅନୁକୂଳଚନ୍ଦ୍ର ତପୋବନ ବିଦ୍ୟାଳୟର ୧୦ମ ବିଦ୍ୟାଳୟରେ ସର୍ବୋଚ୍ଚ ନମ୍ବର ରଖିଥିବା ଛାତ୍ରକୁ ପୁରସ୍କୃତ କରଯାଇଥିଲା । ଏହି ଶ୍ରଦ୍ଧାଞ୍ଜଳି ସଭାରେ ସର୍ଗତ ବକ୍ସିଙ୍କ ପୁତ୍ର ଆଇନ୍ଜିବୀ ନିତ୍ୟଗୋପାଳ ଦାସ ଯୋଗ ଦେଇ ଛାତ୍ରଛାତ୍ରୀଙ୍କୁ ମିଷ୍ଟାନ୍ନ ବଣ୍ଟନ କରିଥିଲେ । ଏହି କାର୍ଯ୍ୟକ୍ରମରେ ଶିକ୍ଷକ ବିପିନ ବିହାରୀ ପାଳ, ଅରୁଣ କୁମାର ସାହୁ, ଅଜିତ୍ କୁମାର ପାଳ, ନାରାୟଣ ଚନ୍ଦ୍ର ପରିଡା, ପ୍ରଭାତ କୁମାର ନନ୍ଦ, ରାଖାଲ ଚନ୍ଦ୍ର ପ୍ରମାଣିକ, ଲତାରାଣୀ ସାସମଲ, ମଂଜୁଲତା ସାହୁ ପ୍ରମୁଖ ଉପସ୍ଥିତ ଥିଲେ ।
ରିପୋର୍ଟ : ଭୂପତି କୁମାର ପରିଡ଼ା