ବ୍ରହ୍ମପୁର (ସମୃଦ୍ଧ ଓଡିଶା) ଜାତୀୟ ଗ୍ରାମିଣ ନିଶ୍ଚିତ କର୍ମ ନିଯୁକ୍ତି ଯୋଜନାରେ କାର୍ଯ୍ୟକରି ପରିବାର ପରିପୋଷଣ କରିବା ସହ ଗ୍ରାମର ବିକାଶ ପାଇଁ ଚିନ୍ତା କରି ଆସୁଥିବା ଦିନ ମଜୁରିଆ ଦିନବନ୍ଧୁ ଶେଷରେ ସରପଞ୍ଚ ଭାବରେ ନିର୍ବାଚିତ ହୋଇଛନ୍ତି । ଗଞ୍ଜାମ ଜିଲ୍ଲା ପୁରୋଷତ୍ତୋମପୁର ବ୍ଲକର ଗାଙ୍ଗଦହଣୀ ପଞ୍ଚାୟତରେ ସାଧାରଣ ଜନତା ବିଜୟୀ କରିଛନ୍ତି ଦିନବନ୍ଧୁ ଦାସଙ୍କୁ । ଚଳିତ ନିର୍ବାଚନରେ ଦିନବନ୍ଧୁ ମୋଟ ୧୩୨୯ ଭୋଟ ପାଇ ପଞ୍ଚାୟତର ପୂର୍ବତନ ସରପଞ୍ଚ ଅମରେଶ ସେଠୀଙ୍କ ଠାରୁ ୨୯୬ ଭୋଟରେ ଅଧିକ ପାଇ ବିଜୟୀ ହୋଇଛନ୍ତି । ଦିନବନ୍ଧୁ ନିଜ ପଞ୍ଚାୟତର ବିକାଶ କରିବା ପାଇଁ ଅନେକ ସ୍ୱପ୍ନ ଦେଖିଥିବା ବେଳେ ଆଗାମୀ ଦିନରେ ପଞ୍ଚାୟତବାସୀ ତାଙ୍କ ଠାରୁ ଅନେକ ଆଶା ରଖି ବିଜୟ ଲାଭ କରିଥିବାରୁ ବର୍ତ୍ତମାନ ଚର୍ଚ୍ଚାର ବିଷୟ ପାଳଟିଛି ।
